眾新聞 Logo
眾新聞 CitizenNews
眾說

羅致光,如果你仲有良知


照片來源:社工總工會Facebook

羅致光,如果你仲有良知,仲自稱曾經係一位社工,仲自稱自己係掌管社署嘅勞福局局長,咁唔該你唔好再講廢話,你冇能力叫政府回應市民嘅訴求,但...

你係有能力叫警務署署長落命令叫警察唔好再攻擊社工、記者同救護,因為社工只係協助警察做正確嘅事,阻止警察濫捕同濫暴對待市民...

你係有能力叫社福機構支持社工進行人道支援工作 ...

請你記住醫生放工後仍然係醫生,唔會見到有生命危險嘅人唔去救。因為社工註冊證唔係來自社福機構,而係來自法定嘅社工註冊機制。

社工只係協助警察做正確嘅事,唔好濫捕同濫暴去傷害任何市民,無辜嘅市民被攻擊同被捕,佢同佢哋嘅家人係會好驚,係好需要社工盡快喺現場同去到警署提供支援。

我哋24小時都是社工,我哋會繼續謹守崗位,「守護生命」同「捍衛人權」,根據社工註冊條例下嘅守則所規定嘅「基本價值觀及信念」,去協助有需要嘅人士、維護人權同促進社會公義。


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe