眾新聞 Logo
眾新聞 CitizenNews
眾說

張建宗洩密:政府從冇諗過民意


看fb見到新聞台報道,涂謹申昨日在立法會質問政府知唔知依家最大民憤係咩, 張建宗竟然答話手頭上冇民意調查。

第一個反應,嘩你班友真係又讀屎片又唔做嘢,嘥晒納稅人i.e. 我哋錢,成壇嘢搞咗5個月都唔調研吓情況。但網民即刻回應,佢唔係唔做嘢,係做親都係衰嘢,衰多兩錢重咋。又係噃。修正返先。

張建宗依個回應顯示,根本依個政府從來都冇諗過回應民意,只係諗住有反對就鎮壓,拉你鎖你,正所謂解決問題就係解決提出問題的人丫嘛,所以先冇需要調查民意丫嘛,你哋話係咪?跟住發覺拉你鎖你冇效喎,唔緊要,加多兩錢重,變成射你殺你囉,你班蟻民諗乜 who F cares?總之準時返工搵錢交稅,供養我哋人工同堆大陸製TG同武器咪得囉。

又連結我日前嘅文,依個咪 state of nature 思維囉,有問題就武力解決,有反對就強力鎮壓,一車車埋去,洗乜理你諗乜?阿校長走埋嚟?我冇興趣知你想點喎,射低你咪乾手淨腳囉。再唔係好似個交通警咁,見人就車,仲硬淨過當年天安門,個坦克司機遇到膠袋人都嘗試避開唔車佢架。

其實林鄭一路以嚟所謂好打得都係咁架啦,你要坐低傾咪做場騷比你睇囉,但我冇諗住妥協架,到最後都係要鏟走晒你哋架,皇后碼頭、囍帖街、佔領運動咪都係咁囉。最新仲作個新講法,話聽你講既話係「中你圈套」呀。民意?洗乜調查架啫?


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe