眾新聞 Logo
眾新聞 CitizenNews
眾聞

教牧入理大「執仔」 形容留守者匿藏校園深處防備心極高


傘城網上教會朱幼成牧師與一位教會姊妹「家茵姐姐」到訪理大「執仔」,指「執到幾多得幾多」。他們今日凌晨離開時形容,留守者對外界防備心極高,匿藏在校園深處,十分保護自己,難以接觸。家茵姐姐指,有留守者願意與她以Telegram溝通,但不願面談。

傘城網上教會朱幼成牧師。

她說,留守者心理壓力極大,精神崩緊,每天只能睡幾個小時,亦會頭痛。「佢哋一聽到電話震機就扎醒,每日一起身就睇新聞,追警察嘅動態。」

家茵姐姐語氣溫文爾雅,對待留守者十分有耐心,並帶來「香薰解壓膏」、「芳療安睡舒壓膏」等物資,嘗試以香薰療法協助留守者入睡。「我帶咗一袋解壓膏比佢哋,希望佢哋瞓得好啲。佢哋會叫我放係一個位,自己會去攞。我走翻去嗰個位,我見佢哋真係有攞嚟用,仲排得好整齊,等其他有需要嘅手足都見到。」

家茵姐姐留下香薰解壓膏等給留守者。

她最擔心是留守者會自殘,「到底仲有幾多人呢?係無人知。學校咁大,佢哋又匿得咁埋,假如佢哋睇唔開,傷害自己,死咗都真係無人會知。」她又指,留守者早有被捕的心理準備,惟十分害怕被捕後的待遇。「佢哋知道被捕係一定,佢哋係好驚俾警察打,所以唔會想俾人搵到。」

兩位因應警方要求,半夜12點就必須離開理大。家茵姐姐最後對記者說:「我哋真係要走啦,唔係我怕下次警察唔俾再入(理大),聽晚再見。」語畢,他們唯有帶著憂心匆匆離去。