眾新聞 Logo
眾新聞 CitizenNews
眾說

捉地鐵跳閘也出警棍?


前兩天地鐵有人跳閘,有休班警員持伸縮警棍追捕,搞到有鬼佬及其他市民介入,小事化大,正一係——跳閘政治化。

跳閘係唔啱,但應該是通知由地鐵職員處理,最多咪罰錢,使唔使搞到出伸縮警棍,分分鐘打爆缸變成儍仔呀?不如開槍呀笨!即係等於學生不交功課係唔啱,但應該由老師處理,最多咪記欠交功課記錄,絕對不應由街坊揸大棍打學生。

當然,休班警員休班時也可以做嘢,但那麼豈不是——隨地吐痰、掉垃圾、掟煙頭 、紅公仔過馬路,你也要抆伸縮警棍出嚟,咁你仲使休班嘅?你咪屙屎都唔得閒?「全年無休」?你去巴黎地鐵睇吓,日日大把人跳閘,法國佬休班警員咪做死?

很明顯,這就是顯出警察水準低、失控、選擇性執法,已經——把跳閘標籤成為一種政治行為,一種曱甴行為,小事化大,怪不知人人說他們——又唔讀書,又亂做嘢。


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe