眾新聞 Logo
眾新聞 CitizenNews
眾說

「傷報」如何起紙?我教你


乜原來而家仲有一份報紙叫做——《商報》㗎咩?

有一位前輩,最近剛剛兩蚊雞,於是星期日,碧雲天,和老婆坐船去南丫島,行山慶祝,順便睇吓,民建聯區議員當日濫用我們的錢在榕樹灣興建嗰個——用咗二千幾萬的單車泊車位。

今天星期日,到南丫島的渡輪幾乎爆滿。照片由筆者提供

臨上船,碼頭就有一大疊《商報》任攞,擺得整整齊齊,求你攞。好像原價九蚊份。
但竟然冇人攞,香港人好少咁蝕底的,於是前輩一攞就是四份,老婆喝止,唯有死死氣放低兩份。

兩蚊雞船費,送九蚊報紙,有賺,去邊處搵呀!

坐船兩蚊雞,報紙就值九蚊,但是成架船都只有前輩一個人在看《商報》。照片由筆者提供

《商報》其實是幾十年歷史左仔報,不過就樣衰兼夾名衰——傷報傷報,真係大吉利是,生意佬更加唔老嚟,所以從來都唔起紙。

今天做一份紙媒,廠房、紙價、夥記,動不動億億聲,現在就派畀人都冇人要,對傷報辛辛苦苦的編輯記者,是一種極度羞恥。

非常弔詭的是,我認識的保皇黨,建制佬,從來沒有人看,《文匯》、《大公》、《傷報》。

這些報紙真是閻羅王辦報——搵鬼睇。

駱惠寧入中聯辦第一炮,不如三把火啦,索性——買文大傷,送——中聯辦放題飲食劵,券尾抽獎送大灣區豪宅,包傷報起紙。各位有何建議?

加碼推薦:

去開南丫島,這個神風洞也很神秘,和日本仔有關,值得一遊啊!

照片由筆者提供
照片由筆者提供

 


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe