眾新聞 Logo
眾新聞 CitizenNews
眾聞

林卓廷聯同7.21傷者入稟向鄧炳強索償$270萬 六旬婦跌傷坐輪椅至今 患創傷後遺症


元朗7.21白衫人襲擊事件半周年,當日八名傷者包括民主黨立法會議員林卓廷入稟法庭,控告警務處處長鄧炳強,指警方當天沒有履行職責保護市民,違背《警隊條例》第10條「警隊的責任」,令多名市民無辜受傷,共索償270萬元。

林卓廷今日聯同幾名傷者召開記者會,其中居於天水圍、64歲的林女士坐著輪椅到場,憶述半年前的經歷不禁聲淚俱下,她形容當晚乘坐西鐵去到元朗站,約10時40分左右,她在西鐵上見有青年衝入車廂請求幫忙,遂打算去大堂看看,「當時我隻腳仲行得好快,但去到樓梯嘅一半,望到下面好多人拎住啲棍、藤條,係咁追住啲人。好多人跑緊上來,係咁打,我見好似唔係好對路就跑返轉頭。但係我又唔係後生,又無見過呢啲場面,就好驚,跑得唔夠人快,喺樓梯仆倒,跪咗落樓梯。」她之後證實關節發炎至今仍要做物理治療,並確診患上創傷後遺症(PTSD)需要服食精神科藥物。她在記者會哭訴:「我哋返屋企有罪咩?有錯咩?」

7.21事件傷者林女士,憶述當日受傷情況。莊曉彤攝

民主黨立法會議員林卓廷、尹兆堅,聯同幾位7.21事件傷者召開記者會,傷者包括當日與林卓廷進入元朗站的民主黨現任北區區議員冼卓嵐、一名NOW新聞台記者,以及六名居住在天水圍、元朗、上水的市民。另外,7.21當晚接近10時,指是首個遭白衫人用藤條襲擊的廚師蘇先生,亦有出席記者會,與林卓廷等人分別入稟告警務處處長鄧炳強,要求民事索償。林卓廷指,已獲得「6.12人道支援基金」支持入稟索償,逾10名目擊者將會出庭作證,並已經由大律師公會執委沈士文代表入稟。

林卓廷稱:「我哋有非常強烈嘅理由,質疑鄧炳強以至香港警隊喺7.21當晚,蓄意縱容黑社會無差別持械襲擊香港市民。」他期望藉著公開聆訊,要求警方在庭上解釋:為何當日警方早已收到情報卻未有部署、兩名進入元朗站的軍裝警員為何轉身離開、時任元朗助理指揮官游乃強為何聲稱沒有見到有人手持攻擊性武器、當晚為何未有拘捕任何人等疑團。

左起:民主黨立法會議員林卓廷、尹兆堅、7.21傷者蘇先生、民主黨中委莊榮輝、7.21傷者崔先生。莊曉彤攝

曾稱是7.21首個被襲擊、背部全是藤條傷痕的休班廚師蘇先生憶述7.21事件,他感到最為氣憤的是警察公共關係科高級警司江永祥的說法。江永祥早前接受傳媒訪問,形容721事件「係一班人帶示威者進入元朗牽引整件事」。

蘇先生反駁:「但係好明顯,我就係當晚、基本上係第一個受傷,當時大約係10點前,放工,啱啱離開形點商場(Yoho Mall),我一出到去已經見到一班白衣人,揸住藤條、企喺側邊,好似等緊某啲人或者目標,跟住已經對我施襲。根本上嗰時10點未到,林卓廷未入嚟。根據警方所講,係一班人帶一班示威者入元朗,先會有721,咁我想問佢哋:我算係乜嘢?我係咪被佢哋排除喺外,佢覺得我唔屬於721事件其中一個受害者?」

被白衫人襲擊的蘇先生,遇襲後曾向傳媒展示背部傷勢。蘋果日報照片

與林卓廷一同入稟的申請人,包括64歲的林女士。林女士坐著輪椅到場,她於7.21當日因逃避白衫人襲擊在樓梯仆倒,其後關節發炎、行路變得一拐一拐,要用輪椅代步。她之後就醫,11月下旬動手術,醫生指需要至少3個月時間康復,現時仍須定期做物理治療。

林女士在記者會上哭著說:「其實我無被佢哋打到,因為佢哋追上來嘅時候,後面有好多青年人幫我擋、被佢哋係咁打,跟住我跑返上去,見到好多老人家、細路仔都係咁被佢哋嚇到好驚好驚。我都唔知點做。我返到屋企都無辦法平復情緒。每一次講起,我都好唔開心。」她經歷7.21事件後,晚晚失眠,醫生亦確診她患上創傷後遺症(PTSD)需要服食精神科藥物。

她續道:「我覺得啲警察亂晒籠,基本上唔係嘅嘢佢就亂咁講,但係我哋可以點啫?佢鍾意就每日開(記者)會,我哋可以做啲乜嘢?我哋乜嘢都做唔到,剩係被佢屈。基本上我去嗰時,林卓廷都未到。到我由站內樓梯跑返上去(月台),應該係10分、8分鐘之後,佢哋(乘坐)架車先到。你話有咩道理係佢帶人入來呢?咁我哋返屋企有罪咩?有錯咩?」說罷仍頻頻抹淚。

 

記者會上,林卓廷播放一段首次公開的影片,見到白衫人在元朗西鐵站襲擊市民。林指,片段由市民提供,據悉拍攝時間是晚上10時41分,而林卓廷進入元朗站時在Facebook開始直播,時間是10時45分。尹兆堅批評,江永祥所說不實、形容是「含血噴人」,要求江永祥道歉並收回言論。

今日是7.21事件半周年,港鐵提早下午3時關閉元朗西鐵站,網民則發起晚上8時到形點商場(Yoho Mall)靜坐。




請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe