眾新聞 Logo
眾新聞 CitizenNews
眾說

暉明邨的啟示──玉石俱焚的反撲


早前林鄭宣佈計劃使用粉嶺暉明邨作肺炎隔離,惹起周邊居民極大不滿,最終因暉明邨遭嚴重破壞,政府被逼放棄使用該處作隔離用途。在記者會上,林鄭說得清楚明白:「因為破壞得咁緊要,所以唯有放棄;如果唔係破壞得咁緊要,其實係會繼續用。」

政府擬挪用作防疫隔離用途的暉明邨泰暉樓,本月26日被人縱火。美聯社
泰暉樓大堂全被燒毀。警察公共關係科照片

政府不聽民意,不僅從肺炎應對中感受得到,而是政府根本一貫作風。我真的想問,你所謂「管治」香港,有真的聆聽過人民的想法嗎?而,即使你真係要拎暉明邨做隔離,事前你有無諮詢過周邊人民的意願?還是「大石砸死蟹」地「Inform」你?同一個結果,但過程你有問過居民感受,雖然最終都可能是遭反對,但大家條氣都會順好多。我諗佢連問下區議員都無做,結果遭到強烈反撲,你又話人地「激烈」。

政府作為持公權者,處理不周,仲賴番人民「點解咁激烈」(同醫護罷工現象如出一撤,不過由於本文集中討論暉明邨事件,故不在此贅),那些「說好了的反省」真係得啖笑。而去到最後,竟然是「因為破壞得咁緊要,所以唯有放棄;如果唔係破壞得咁緊要,其實係會繼續用。」所以,在此感謝一眾黑衣人,沒有他們,我估計暉明邨計劃仍會繼續實行。

人是從經驗中學習的生物,政府此舉等同告訴大家:「你唔破壞到一個地步去到用唔到的話,我都係唔會屈服嘅。」換言之,政府即曲線告訴大家盡情破壞,因為原來「破壞」是Work嘅──只要「破壞」到一個點令到件事完全不能繼續,就代表人民能「成功爭取」。

所以,無怪乎一路將整個香港推向深淵的,從頭到尾都是林鄭嘅香港政府。


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe