眾新聞 Logo
眾新聞 CitizenNews
眾說

【粗口文慎入】我同你講:你啲醫管局高層唔死都冇用


我同你講:你啲醫管局高層唔死都冇用。以下列出你哋嘅四大罪狀:

配合政府道德勒索:做得醫護,雖然唔係每一個、但唔少都係頗有使命感。竟然道德勒索醫護,要求佢哋為呢個政權的錯誤負責?林鄭仆街、你哋又跟住一齊仆街?我想問你哋中間有無個智力與良心正常的人?

學政府玩語言偽術、為虎作倀:之前姓高果條茂利講咩「唔知咩叫全面封關」,我屌你老味你讀屎片架?同我玩嘢?罷工嘅每一位都係將香港嘅命運、將自己嘅前途擺上——外國人哋罷工係為加薪、為自己權利;佢哋罷工係為咗要求你呢個無良政府負擔自己嘅責任咋。佢哋全部都係道德高尚嘅人,你班狗高層唔該摸下自己有冇良心、係咪俾狗食咗?

有事鍾無艷、無事夏迎春:香港醫療壓力有幾大大家不嬲都知。有事就要醫護出去死、無事無幹就Cut大學醫療經費。而家要抗疫、又問番醫學生無償義務工作當做實習、喂你面皮幾多尺厚呀?早排唔係話大學生係暴徒咩?理大之戰唔係捉咗好多本來是醫護的first aider咩?依家又係邊間大學幫手整可重用口罩同酒精搓手液??推而廣之,其實政府對大學生又好、定係政府對人民都好,根本都係用呢種態度——真係要有幾無良知先做得到?!

完全當你啲員工無到:幾千人等咗幾日、叫口號乜乜乜、做咗十幾年的員工、都已經跪係度、暈低亦有之。你班狗高層,毫無惻隱之心、鎖電梯鎖樓梯玩Hide and Seek?呢啲根本唔係人嘅行為——你夠膽就咁教你個仔,用咁既方法去面對問題呀?!仲有,香港人本身就係有罷工嘅自由。講咗好多次,醫護罷工係為咗「要求封關」而唔係「驚死」,你老味唔識聽廣東話呀?

班醫護無用粗口鬧你哋、平時我都十分克制,未試過寫篇文咁多粗口,但真是用粗口鬧你哋都根本便宜咗你班垃圾。我同你班仆街講,善有善報惡有惡報;若然未報時辰未到。你哋係要做林鄭嘅走狗、泯滅自己嘅人性、呢個係你嘅選擇;但你哋也會被全港市民鄙視同唾棄、名譽掃地!!!!

個人而言,我都支持停罷工,原因如下:

而家封關已經太遲、個政府仲一日到晚放人落黎、社區爆發是遲早的事。

一聽到政府話兩日後先14日強制隔離、仲要個「強制」原來係咁「自願」,就知道而家佢係同你玩爆陰毒。唔夠裝備要你出去打杖、唔肯打又道德勒索你,係擺明想香港醫護死、「公我贏字你輸」嘅概念。

面對呢個麻木不仁、漠視民意的垃圾政府,無必要繼續以自己的命途作為代價罷落去。我相信你班仆街係會清算罷工醫護。我真係諗唔到可以做乜,除咗起班狗高層底之外。

我只是覺得,「光復香港、時代革命」,到而家仍然是最岩——只有民選政府,先最能夠代表到人民聲音。單就區選一役嚟到而家抗疫,就知民選嘅真意是幾咁重要;如果當時又是選番民X聯D狗入去,你估有無口罩派?口水就有滴!如今與邪惡政權的對峙,就如比武之時,自己就明刀明槍、對方就揸你下陰撒香爐灰落你眼度、咁無得比架喎...呢個政府已經出盡陰毒招數、我已經唔知道衛道之士仲企係道德高地有咩用。「光復香港、時代革命」,只有民選政府先救到我哋。講完!


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe