眾新聞 Logo
眾新聞 CitizenNews
眾說

事實證明,唔信政府係正確的


「有政府,唔驚!相信政府!(口罩都唔洗戴?) 唔戴!」

這是一個月前廣為流傳,廣州一群大媽阿伯接受港媒訪問,被問到對疫情看法時的反應。不足數日,武漢宣布封城、湖北各市亦跟隨致變相封省、廣東立法禁止不戴口罩出外、全國各大城市實施封閉式管理、聚眾活動全部違法......不知這群大媽阿伯現在如何感想呢?

現實是,中共在疫情初期隱瞞疫情,至香港和外國專家踢爆資訊的不合理性,紙包不住火才承認,但當時仍然堅稱情況可控,很快會出現拐點云云,至今公布的數字和資訊有幾準確亦仍然成疑,疫情開始時指問題源於野味,但針對野味市場的調查卻未能查出有病毒......

這班高官,薪高糧準,卻是一班無能力無承擔的廢柴。香港電台影片截圖

回到香港,港共政府奴才思想作祟,顧全大陸而非顧全市民身家性命,堅稱疫情不會失控、封關不切實際、物資充裕無須恐慌,但事實確診宗數持續上升,口罩和個人清潔用品依舊供不應求,連日有市民通宵排隊為求一罩,甚至病毒似乎開始在警察間傳播。

林鄭則疑似精神錯亂,叫人戴咗口罩都要除番。IQ局長又宣傳駕車上班節省口罩。有市民滯留湖北求救,政府又說沒有需要公開。醫院物資不足,政府繼續優先供給警察 (但返工時咁多保護衣都冇用,一放工去食火鍋就hi嘢)。張建宗日前才說疫情受控,現在又說口快講錯。

呢個政府同親中派成日說你唔好搞政治,集中搞民生。好啦依家有個民生問題擺係你面前等你解決啦,搞到一鑊泡。到底呢班人有咩係做到?個個幾十萬人工一個月都冇嘢做得掂,全部廢柴。

事實證明,唔信政府係對的。唔信林鄭講無須戴口罩、唔信政府話供應充足、唔信政府話疫情受控,係對的。好似我屋企,老豆老母都大安旨意,如果唔係我舊年為示威買定盒口罩,依家根本唔會有。亦都好彩,因為之前示威,陸客大減,否則依家香港死多兩錢重。

唔信政府,係完全justified的,因為呢個政府事實就係無能、講大話、唔理市民死活。佢地放TG、開槍射人、假自殺都做得出,一般市民性命佢哋根本唔care。要下台的唔只係政府,係成個政制。大家切勿因為疫情就以為抗爭結束。只有換政制,香港人先會有信得過的政府。睇吓台灣反應幾快。

信政府、信中央?好似警察咁逐個中招囉。我真係恭喜你呀!哎呀,好似張建宗咁口快講錯添。祝你好運,至係。


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe