眾新聞 Logo
眾新聞 CitizenNews
眾說

還記得那隻人形龍蝦嗎?


還記得那隻人形龍蝦嗎?她要把個女的行李監生挾上飛穖,張牙舞爪,把龍蝦——污名化、負面化,抺黑了這種體型精悍、甘香肥美的海鮮。

今天澳洲悉尼龍蝦大劈價 ,我朋友在比較貴少少的唐人街 Market City 某酒樓,平日二百幾澳元一公斤的龍蝦,現在148元,其他地區更加劈到100多澳元已經有芝士味龍蝦尾可以落肚,澳洲芝士很香。可惜港人今日起去澳洲要隔離十四天。

澳洲悉尼市中心Market City某酒樓網球場咁大的餐廳,平日星期日搵個位都冇,這天只有三、四枱客,要用板間起來才不致太肉酸。

平日Market City人山人海,現在網球場咁大間餐廳,除了她這一枱,只有三枱客,酒樓要用板間劏分起來,以免看起來太樣衰。

生意不景,就自然冷氣太勁,他們一邊吃,一邊竟然心不在龍蝦,有點——「武肺欲來風滿樓」的感覺咁話,食完龍蝦連伊麵都冇心機食,打包。話明食完呢餐,暫時都唔會再出街食。

澳洲龍蝦大劈價,但當時心情不佳,武肺欲來風滿樓,其實澳洲龍蝦整得相當唔錯。照片由筆者提供

於是他們吃完,再去Woolies 超市,平時星期日晚,一定執到仍然很香的半價麵包,或者三澳元一隻仍熱得燙手的燒雞,但今晚在Woolies,連麵包碎、雞毛都被搶光!要再趕去另一間Coles才買一條白麵包。

前兩天 ,澳洲超市有顧客女拳王互毆搶貨,有片睇,據說今天又再度上演師奶拳王遍地開花續集, 不過今天應該是尾場啦,因為所有貨都搶完,只剩下免費的澳洲清美空氣,搶條毛啊。

根據經濟學原理, 當運費是一樣的時候,龍蝦商人,應該把最靚的龍蝦出口,以賺取最大利潤 ,所以在香港吃龍蝦應該比悉尼更好 ,加上現在他們都冇心機食了,可能所有都運去香港,所以應該下星期起,是我們香港人吃龍蝦的季節了!


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe