以上影片是立法會議員朱凱廸探索老解可能墜機的現場。
墜機，其實是非常大鑊的事，是──空難！現在老共鬼鬼鼠鼠求其講兩句，欲蓋彌彰，更顯詭異。
一月份我的偶像高比拜仁墜直升機，父女主懷安息，今次老解炒機，我不相信冇人死。
1971年中共的二佬，林彪，着草墜機，即場在蒙古冚家剷。
我常常踩單車去到錦上路站休息飲水，一抬頭就見到老解直升機經過落石崗機場，上落次數相當密，我當時想──嘩！會不會在石崗運兩件香港人返深圳送中，真係神不知鬼不覺㗎！想不到前兩日就炒機。
這一次共軍已經好彩，架機沒有鋤落民居，但是老共還是用臭屎密冚的方法，瀨咗嘢就當冇事發生過，有冇死人又唔知，運走直升機殘骸是高難度，在荒山野嶺是怎樣運走的？又冇人知，撞爛郊野公園、中電的東西要不要賠償亦冇人知，是不是聯同中電警方一同一齊臭屎密冚 ?不禁令人想起──會不是會是另一單──林彪事件？
當年山竹打完風，老解出嚟搬吓樹，執吓葉，就影曬大頭相，做少少嘢就自吹自擂認屎認屁，现在有事就臭屎密冚，毁屍滅跡，半張相片也沒有，當冇事發生過，好在有香港傳媒爬山去挖掘歷史，如果是發生在大陸，此事根本冇人知。
老解必須清楚交代，是不是在飛機上又有「林彪」，又有被送中的人？
