青年鋼琴家黃家正以前家住在西九文化區附近私人樓宇，中學時遙望文化區地盤，誰知十年過去主要表演場地仍未啟用，甚至因財政原因煞停大型表演場地。黃家正說西九縮減表演場地規模相當可惜，本港至今難以尋找適合場地，國際大樂團都不願意來表演。
「07年就係我會考年，我記得臨去美國前同best friend、music friend話，我哋畢業之後應該有西九啦—我2013年畢業、2014年應該有掛！」黃家正說：「宜家2017都未起完，呢個除咗政治角力，仲有好多因素，唔再怪責係政府問題定邊個問題，但都拖得太耐。除咗等，仲有咩可以做呢？」
本港目前缺乏表演場地，單純為聲樂演奏廳更是買少見少。「很多國際大樂團都覺得文化中心個hall好差，所以唔來，舉一個例子就係Robert McDonald，好出名的pianist，咁差嘅hall我唔再嚟。solo手會咁講、quartet（四重奏）係咁講，大嘅orchestra（管弦樂隊）會咁講，所以就係無一個好嘅acoustic hall。」
黃家正舉例說，香港大會堂多用途功能，包括劇場之用，未必最適合聲樂。「我舊年剛剛去上海交響樂團音樂廳，嗰度啱啱起咗個新嘅地底音樂廳……香港已經好多年無一個新場。就算最新起的APA（演藝），都係多功能（用途）、起得差，好多時候用唔到」。
他憶述，過去申請場地，曾經收到過30、40封申請遭回絕，當中關鍵是較佳地段政府場地不多。
「文化中心及大會堂，已經bloc左畀場地夥伴計劃，City Hall就係Sinfonietta（小交響樂團）同香港話劇團，文化中心就係香港管弦樂團。所以好的地方已經無。其他地方就係錢的問題，例如HKU Grand Hall好靚，但租要3萬3000起，仲未計後面equipment同人員，City Hall有資助可能萬零蚊，對細中樂團當然想搵政府場地啦。」
相關新聞：黃家正的從政隨想曲
