眾新聞 Logo
眾新聞 CitizenNews
眾聞

【兩辦譴責郭榮鏗】馬嶽:中央想推過半便「攬炒」選舉議題 法律界需搵定Plan B 但無阻民主陣營勝算


 

國務院港澳辦及中聯辦(兩辦)周一發稿,譴責公民黨法律界立法會議員郭榮鏗,指郭榮鏗主持內務委員會花了近半年時間未能選出主席,質疑他違反議員誓言,構成公職人員行爲失當。 香港中文大學政治與行政學系副教授馬嶽認為,兩辦代表中央,現階段出手必然是劍指9月立法會選舉,但馬嶽指,中央高調介入往往對泛民有利,形容中央此舉「奇怪」。

馬嶽估計,中央想推動「攬炒」成為選舉議題:「呢個都符合近排的基調,即係話指責如果反對派過了半數,就好大鑊、就攬炒,攬炒就萬劫不復。我諗係呢條線,但從選舉操作來講係咪好呢,我自己就好懷疑,即係對邊邊有利呢?越highlight呢樣嘢,我感覺對民主派越有利。」

馬嶽指,中央高調介入,反而對泛民選情有利。資料圖片

立法會內會在過去近半年內開了14次會議,至今未能選出主席,建制派41名議員上周五發聯署聲明,質疑郭榮鏗濫用權力拖延選舉程序,癱瘓內會。兩辦本周一發稿譴責郭榮鏗,文章均提到建制派聲明。昨日傍晚,特首林鄭月娥見記者, 形容兩辦對香港事務關心、擔心是理所當然,「何來干預?」但表示會交由立法會自我糾正。

是次兩辦發稿譴責郭榮鏗,被視為港澳辦、中聯辦新掌舵人上任後,首度向民主派發重炮。有意見認為,這是北京為DQ非建制派立法會議員鋪路。考慮於法律界角逐連任的郭榮鏗,可會在參選時被DQ無得入閘?馬嶽認為,法律界民主陣營需要搵定Plan B人選,但不代表法律界會因而變天。

但馬嶽續說:「佢可以用任何方法DQ,即係話自從2016年釋法之後,話人哋唔uphold《基本法》就得,亦都不需要講具體罪證;參選都可以唔俾,連劉小麗、周庭都唔俾你選。區議會(選舉)嗰陣唔敢DQ,係因為驚國際壓力。」

「郁郭榮鏗個位,佢(建制)係唔會攞番,嗰個位係法律界,唔係直選、可以補選贏番。法律界我俾你選十次,你哋(建制)都唔會贏,我自己都覺得有啲奇怪(今次中央出手)。」

他又指:「中央高調地介入,殺氣騰騰咁樣,傳統上係對泛民有利。我又唔覺得選民會話因為你DQ,所以唔去投民主派。呢個我諗同舊年區議會的局面係類近,即係話你好高調、選舉越政治化,其實對民主派正常係有利。」

2016年宣誓風波,六名立法會議員被DQ。

兩辦發稿形容郭榮鏗及部分議員令到議會停擺,但馬嶽認為,見不到特區政府有動力要推動些甚麼,「話停擺半年,上面講咗,林鄭先啱啱走出來講。」他續指,有趣在於,市民應該沒有強烈感覺到立法會停擺,因為防疫相關的撥款照樣可以通過。若要說有緊要的法案急待通過,馬嶽認為就只有《國歌法》,但又不見得特區政府好努力推:「好簡單,我又睇唔到(政制及內地事務局局長)聶德權好焦急,聶德權呢半年之內從來都無走過出來。」所以他認為,是政治工程的成份居多。

兩辦發稿均用「政治攬炒」一詞,中聯辦文章更指:「我們必須清醒認識少數反對派議員“只破壞不建設”的本質,其破壞行徑是與“暴力攬炒” “經濟攬炒”相呼應的“政治攬炒”。這種惡意“拉布”行為,是對立法會議員職責的褻瀆,不僅有負廣大選民的重托,也是對香港整體利益的肆意破壞。」

馬嶽認為,中央政府想推動「攬炒」成為選舉議題,令市民覺得非建制派議員若然在立法會佔多過半數,會令議會「萬劫不復」,但馬亦都相當質疑這個做法的成效。

郭榮鏗昨日見記者回應事件,提到有感中央針對公民黨。馬嶽表示有同感:「我都有呢個感覺,但我都係不明白。即係陳淑莊同梁家傑都有人針對,但梁家傑應該唔會選,跟住郭榮鏗。我諗都係,我哋邏輯同上面的邏輯可能有少少不同,就係話如果你想針對公民黨,打擊佢選情的話,你就唔好砌佢,你咁樣砌佢的話,係幫緊佢哋選情。但呢樣嘢,我諗佢哋未必get到。」

公民黨法律界議員、內會主持郭榮鏗。港台截圖

郭榮鏗昨日見記者,強調自己根據《議事規則》及《內務守則》主持內會,並指將會繼續依據兩部文件主持會議,「如果你唔明,你可以去睇吓,尤其是中央官員,但係如果你連睇都唔睇,又唔能夠向我指出,我係違反邊段議事規則同埋內務守則,我幫唔到你。」

郭榮鏗被兩辦指違反議員誓言,構成公職人員行為失當。郭表示:「任何人如果認為我係犯了刑事罪行,都一定要清清楚楚,我希望佢攞出證據,而唔係謾罵、指責,尤其是出來的中央部門,我自己係感到:而家一國兩制真係敗壞得好緊要。」他又批評建制派議員只知想辦法DQ泛民主派議員,「呢個唔係解決方法,假設我俾你成功咗,下一個係涂謹申,再下一個係梁耀忠,咁你係咪告晒我哋?我哋而家得番20幾個同事,咁你係咪逐個告我哋、逐個DQ我哋,係咪就係想咁樣?」

內會的功能之一,是審議新訂立的法例,郭榮鏗指:「民主派同事喺內會講得好清楚,佢哋擔心係咩呢?擔心係《國歌法》、擔心23條,而點解佢哋咁擔心,佢哋知道而家建制派喺會議上面係佔絕對的大多數,即係雙過半。而家如果政府攞任何一條惡法上嚟,可以被佢哋改到惡上加惡。如果政府而家攞條23條上嚟,佢可以7月前趕通過。」至於有關防疫工作的撥款,不會需要經內會;「限聚令」等屬於附屬法例,已經自動生效。

另外,香港大律師公會發稿,回應兩辦就立法會事務及《禁蒙面法》裁決所作的評論。公會形容,兩辦對立法會的批評容易令人視為違反《基本法》:「港澳辦,中聯辦及任何中央人民政府所屬的部門於香港作出公開評論及聲明均為行使其公權的行為。當有關評論或聲明涉及香港特別行政區根據基本法自行管理的事務(如上述兩項事情),容易令公眾將此等評論視為違反《基本法》(包括第22(1)條)所保障的一國兩則的原則。香港大律師公會呼籲有關部門就上述事宜保持克制。」




請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe