眾新聞 Logo
眾新聞 CitizenNews
眾說

CU 好想見你?


CuMask+銅芯口罩的商標。
政府新聞處照片

政府宣告向全民派發可多次使用的布口罩,並取名CuMask+,據說,CU即是See You,好想見你咁嘅意思喎。

但係响外國,講See You係好日常嘅用語,幾乎每日講十幾次,通常喺同人分手之時講,其實係See You Later,大家簡化成See You,上學上班人士一日講到黑,向同學同事,响放學放工講。即係話,拜拜,聽日見。其實Later可以話係遲啲見,冇特別指明時間,視乎情況,大可以解成下次見。因為大家喺同學同事,咁咪多數係聽日再見囉。如果係一個月一次嘅例會,係咪下個月見囉。幾時有話好想見你啫?

而近年來,外國特別係美國,佢地興簡化為講Later,覺得型啲。上年套《以你的名字呼喚我(Call Me By Your Name)》電影就有提到,意大利少年對美國來客經常一句Later!就行咗去覺得好Cool好俐落,型到爆。咁你話點會覺得係好想見你?

除非,佢意思係好想見到你哋戴著呢個口罩個L樣,咁就另計。不過就超岀我想討論嘅範圍。Later!


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe