距離香港律師會改選理事剩下兩周（5月28日選舉），被視為親建制的律師會今早召開記者會回應選舉引發的爭議。律師會會長彭韻僖上周五（8日）以個人電郵向數百會員拉票，表示自己支持5名非開明派候選人，事件成為傳媒追問焦點，她在會上再三重申，每個人都有表達意見的權利。彭又期望律師會保持政治中立，形容：「喺度我鄭重向各位指出，喺政治上，律師會係色盲嘅。」
律師會改選理事，會員可以授權票、郵寄選票及親身投票。彭韻僖在電郵表示，如會員無法親身投票可以考慮授權她代投，被質疑為何鼓勵授權票而非郵寄選票。出席記者會的副會長陳澤銘形容大家對授權票存繆誤，「好似將呢個授權票妖魔化。」彭韻僖則認為這是正常不過的做法，「我哋嘅會員係律師，係有專業水平、有足夠智慧，去決定、喜歡邊個（投票）選擇，呢個純屬佢個人嘅自由。」
今早的記者會，共有6名理事出席，包括會長彭韻僖、副會長黎雅明、喬柏仁、陳澤銘、成員湯文龍及陳達顯。據悉，有理事對於今早舉行記者會並不知情，有理事指出，今早發出的律師會聲明經理事會通過（approval），但只知可能舉行記者會，不知道決定了今早開記者會，直到下午收到傳媒查詢。
他們於會上又三度拒絕回應有關《基本法》第22條的爭議，只回答了有關理事會選舉的問題。
律師會每年改選5名最資深理事，今年熊運信、馬華潤、黃吳潔華卸任，而莊偉倫、羅睿德競逐連任。今年改選，共10人參選，其中5人被視為「開明派」，包括3名反送中運動義務律師。提名期已結束，律師會上周四（7日）發電郵公布候選人資料，現任會長彭韻僖翌日以個人電郵向數百名會員發電郵，推介5名心水候選人，全部均非被外界視為開明派候選人，個人電郵又表示如會員無法親身投票可以考慮授權她代投。電郵並寫道：「請支持律師會非政治化」。
副會長：大家好似將授權票妖魔化
根據過往經驗，授權票（Proxy）之多甚至能夠左右選舉結果。去年出現的所謂「中聯辦名單」裡面，4人當選，分別取得1801至1901票，各有大約1300張授權票，即佔得票率約七成；唯一當選的開明派是帝理邁（Mark Daly），以1902票成為票王，當中只有141票是授權票。今年，律師會表示因為疫情而強烈鼓勵會員避免出席周年大會，可透過郵寄票或授權票的方式投票。
彭韻僖今日在記者會上被質疑為何鼓勵授權票而非郵寄選票。她第一次被問及時沒有回應，再被追問時，副會長陳澤銘首先答話：「我諗講少少關於Proxy嘅繆誤，大家好似將呢個授權票妖魔化。其實授權票呢樣野喺普通法裡面超過100年歷史，好多機構都係有授權票呢個制度。授權人可以根據法律，將佢投票嘅權利部分或者完全轉嫁俾佢代佢。」
彭韻僖接著表示：「我話如果你需要，你可以俾個授權票我，呢個係好正常不過嘅，因為如果我朋友係覺得佢有一啲選擇想叫我俾啲意見，或者叫我幫佢做一個授權嘅話，咁樣當然佢可以俾個授權票我。如果佢自己覺得，佢可能做一個郵寄票，佢亦都可以做一個郵寄票，甚至佢可以親自出席。三種方法完全係合法，亦係可以選擇。我哋嘅會員係律師，係有專業水平、有足夠智慧，去決定、喜歡邊個選擇，呢個純屬佢個人嘅自由。」
法政匯思召集人陳信忻早前接受眾新聞訪問，表示有律師樓高層要求員工提供授權票，甚或郵寄票。被問到律師會可會公開呼籲老闆不要施壓以取得授權票，副會長陳澤銘表示：「我唔相信有任何壓力可以影響到一個專業嘅律師」、「我對我嘅會員、我哋嘅專業會員，我非常有信心，佢哋自己會作出一個專業判斷，用咩方法投票同埋投俾邊幾個。如果佢覺得用親身嘅，雖然我哋唔鼓勵，佢仍然可以來，我哋唔鼓勵因為疫情嘅原因，但佢可以來嘅、有權嘅。佢覺得用郵寄投票，我哋絕對無問題，如果佢覺得想授權另外一個人代佢投票，呢個亦都絕對合法嘅。我睇唔到有咩問題。」
陳澤銘今早又讀出律師會聲明指：「律師會既不擁護任何理事會選舉參選人也不允許其資源被用於協助任何理事會選舉的參選人」、「理事會成員（包括會長及副會長）與其他律師會會員一樣，有權在理事會選舉中就個別參選者的能力持有個人意見、表達自己的優先選擇，並按自己的意願投票。」
會長：以個人身份分享心水名單
會長彭韻僖表示自己每年都有向朋友分享心水名單，強調以個人身份推介，不應與律師會內的身份混淆，「其實會長嘅身份，係喺個會度，我哋所有嘅決策係集體嘅決策，會通過理事會去決策。但係，我會覺得，希望大家明白到，每一個人有表達意見嘅權利，我同我自己朋友做一個通知、做一個推薦，係完全合情合法合理嘅，我個人亦係無任何利益衝突。」
彭並主動回應利益衝突的問題，因為會長一職由20名理事互選產生，而彭有機會參選下屆會長選舉，她今日亦無回應是否競逐連任的問題。彭認為：「呢個絕對係一個繆誤同埋一個歪理，點解呢？因為其實我哋現時，今屆律師會直接過渡到下一屆嘅有15位理事，而我哋今次亦都會選出新嘅5位理事。其實我哋下一屆20位理事，每一個人都係有機會成為會長嘅，因為佢可以參選、喺我哋理事會中參選，亦有機會被選到。如果我哋話如果有機會成為下一屆會長嘅人，係唔可以表達意見，咁我覺得呢個理論完全唔可以成立。而某程度上，如果有啲人，有心或者無意地提出呢個歪理，我會用一個中國成語講：呢個正正係指鹿為馬、混淆視聽。」
被問到發電郵之舉會否對選舉構成不公平，彭韻僖稱：「坦白講，我有用自己嘅whatsapp去俾我自己嘅朋友，電郵亦係俾我識嘅，用自己一向聯絡開、有database喺電腦嘅。我覺得呢個係好普通不過，因為今時今日，大家去同其他朋友溝通，你唔係用電郵、唔係用whatsapp、唔係用wechat，唔通我寫信咩？」
她在電郵又寫道「請支持律師會非政治化」，今早在記者會上又表示期望調律師會保持政治中立，「我哋要律師專業獨立。呢個係好重要嘅，因為我哋嘅法律分析、意見，係唔會受到任何──我特別強調，任何嘅外在因素（影響），亦唔會受到任何顏色嘅標籤。喺度我鄭重向各位指出，喺政治上，律師會係色盲嘅。」
