眾新聞 Logo
眾新聞 CitizenNews
眾說

今次真係香港再出殯


EYEPRESS照片

香港再出殯的富豪精英們,你們感覺如何了?國安法殺到,據傳港澳辦夏寶龍下令所有人大政協冇得含糊,必須旗幟鮮明支持,美國揚言不惜發動制裁,換言之香港以往靠做中美「超級聯繫人」搵錢的路數玩完,國際金融中心地位受重創,以後搵外國人做生意都唔知會唔會踩到陷阱,兼夾高官同人大政協面對個人制裁,同埋搞成咁你哋對中共的利用價值都會降到零。我真係恭喜你哋!一般市民,爛命一條,頂多以後唔響fb同外面大聲鬧中共,你哋就唔知會點啦。

搞成咁,你哋唔好扮冇份。移交初期,大把機會你哋可以向立場仲未好硬的中共建議政改,或者多D經濟改革舒緩民怨,你哋唔做,只顧保住自己利益,同時又要食幾家茶飯,又要搵大陸笨又要搵香港人笨又要搵鬼佬錢,但有咩大鑊一爆又會潛水扮唔關自己事。終於中共都嫌你哋太廢太牆頭草太冇擔當,直接頒布實施國安法,仲下軍令狀邊個縮沙邊個處決。今次真係唔慌唔if we burn you burn with us。我等睇你哋香港再出殯大聯盟,夢想成真!

(OK我都知呢個時勢仲有好多其他更重要嘅事要講, 但比我講咗呢樣先。攬炒論定魚蛋論都好,至少人哋都一齊PK就冇咁唔安樂。)


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe