眾新聞 Logo
眾新聞 CitizenNews
眾聞

《頭條新聞》續諷刺:好多人話見過一國兩制,其實呢啲係「曼德拉效應」


 

有31年歷史的香港電台節目《頭條新聞》,早前節目內容被通訊局裁定「污衊和侮辱警方」,風波令人關注新聞及言論自由。《頭條新聞》昨晚播出的一集,沒有王喜的「驚方訊息」,也幾乎沒有涉及警方的內容,僅是吳志森飾演「有為」一角,在節目的中後段,提及:「三萬名衙差最近真係好辛苦,要接受監警會的報告,成五十幾項建議話要改善喎!又要比嗰啲嚟咗香港幾日,唔熟悉香港情況嘅海外專家指指點點,真係戥佢哋辛苦!」

今集《頭條新聞》的主題為「曼德拉」,諷刺特首林鄭月娥錯引「教育的崩潰足以摧毀一個國家」(The collapse of education is the collapse of the nation)這句話出自南非前總統曼德拉。在「太后與小豪子」的小劇場中,飾演「太后」的吳志森一邊撕開日曆一邊說:「哈,仲有四個禮拜就放得假,太好喇!」隨後詢問曾志豪飾演的「小豪子」:「嗰垃圾桶去咗邊?」小豪子回道:「垃圾桶冇咗喇。」早前王喜在「驚方訊息」從垃圾桶彈出的一幕遭人投訴,通訊局裁定是侮辱警隊整個「社會群體」。

太后和小豪子對話節錄如下:

太后:「冇咗個垃圾桶,哀家點掉垃圾啊?」
小豪子:「太后,曼德拉講過,一張廁紙同一條內褲都有佢嘅價值架。你試吓以後當佢哋係寶啊!」
太后:「小豪子,哀家講唔出口。」
小豪子:「太后,你何苦咁硬頸呢?」
太后:「因為呢句根本就唔係曼德拉講嘅,明明係周星馳講嘅!」
小豪子:「唔係喎!好似係吳孟達講架喎!」
太后:「原來曼德拉真係冇講過『摧毀教育等於摧毀國家』架咩?」
小豪子:「太后,邊個講摧毀就唔重要嘅,邊個真係摧毀咗先係重要啊嘛!」
太后:「最新嘅考卷係點架?你讀比哀家聽吓。」
小豪子:「好,暴力抗爭、危害國家安全,判咗終身監禁,係邊個?」
太后:「黑衣人囉!」
小豪子:「錯,係曼德拉。」
太后:「又係佢?咁又係,犯法就係犯法,拉得好啊!」
小豪子:「第二題,要求有獨立調查,搵出真相,係邊個?」
太后:「黑衣人啦!」
小豪子:「又錯!係曼德拉,佢話要搞呢個真相與和解委員會架。」
太后:「喂,條條都係曼德拉?佢係黑人啫,唔係黑衣人喎,有冇第二樣架?要平衡啲!各方面嘅聲音都要有喎!」
小豪子:「呢條啦,請問你,黃巾之亂嘅『黃巾』係咩人?」
太后:「黑衣人!呢次實答啱喇,因為我姐姐都係咁答。」
小豪子:「對唔住,都錯!」
太后:「唔係啊嘛,你唔係想話『黃巾』係曼德拉掛?我要轉台啦!」
小豪子:「嗱,太后,根據內地嘅定義,『黃巾』係農民起義呀!」
太后:「邊個出啲咁嘅題目架?你同我炒佢魷魚!呢啲咁嘅歷史題,你同我取消晒佢!」
小豪子:「太后,答埋呢條啦,請問你,曼德拉同埋一國兩制嘅關係?」
太后:「好多人話見過一國兩制,其實呢啲係『曼德拉效應』咋!」

今集《頭條新聞》諷刺特首林鄭月娥錯引聲稱是曼德拉言論一事。《頭條新聞》截圖

今集《頭條新聞》先提及香港面對的各種挑戰,包括:疫情、社會事件、經濟狀況正面對「不安的天氣」,歌手方皓玟繼而唱出其歌曲《假使世界原來不像你預期》,鼓勵香港人在逆境下不要退縮,面對不公義的事要發聲,繼續做好自己,勿忘初心。

及後的「頭條劇場」,剪輯1994年港台節目《獅子山下》其中一集,主題為《走過從前》,內容關於老牌英資洋行找來女角色Helen為集團編寫歷史書,但高層向Helen施壓,認為要強調香港及內地的關係,更有利公司在內地的發展;但Helen為了讓下一代看到歷史真相,堅拒編寫被篩選的歷史。「頭條劇場」以當年的《獅子山下》內容,呼應近日DSE歷史科題目爭議。

另外,人稱「飛哥」的前行政立法兩局議員李鵬飛逝世,《頭條新聞》剪輯了一小段李鵬飛生前的片段,配樂是梅艷芳的《似水流年》。

《頭條新聞》最新一集沒有提及「警察」。但有一句:「三萬名衙差最近真係好辛苦」。《頭條新聞》截圖

另外,吳志森飾演的「有為」、曾志豪飾演的「包豪星」匯報連日新聞,包括:

「今年六四真係好啊,『限聚令』啱啱去到六四,維園就唔使點咁多蠟燭,唔使咁刺眼啊嘛,你話係唔係啊?不過呢,嗰啲人話會走晒出嚟周圍點蠟燭,咁好危險架嘛!啲蠟滴到周圍都係,有排清潔,整親小朋友就唔好啦!呢個漏洞點樣堵塞呢?」

「三萬名衙差最近真係好辛苦,要接受監警會的報告,成五十幾項建議話要改善喎!又要比嗰啲嚟咗香港幾日,唔熟悉香港情況嘅海外專家指指點點,真係戥佢哋辛苦!」

「啲人見到疫情好少少,就打算飛去外國,同外國人見面、握手同影相。外面嘅疫情咁嚴重,如果佢哋惹埋病菌返嚟播毒,點算好啊?呢個『短板』(大陸用語)要解決架!」

有為向包豪星匯報期間,包豪星一言不發,最後有為詢問他為何不出聲時,他沒有回應,向鏡頭高舉一條寫上「全國人民代表大會關於建立健全香港特別行政區維護國家安全的法律制度和執行機制的決定(草案)」字句的卷軸。

沈旭輝介紹完《1984》後,說了一句:「如有雷同,自然實屬巧合」。《頭條新聞》截圖

節目最後以中大社會科學院客席副教授沈旭輝主持的「未來現在學」環節作結,他介紹喬治奧威爾(George Orwell)1949年出版的經典文學作品《1984》,小說當中的三大國:大洋國、歐亞國和東亞國,中間有個緩衝區,有如虛構的香港,自成一角,但已成為附庸,忘卻自身命運。而《1984》裡的世界,「真理部」篡改歷史、審查新聞出版、監控無處不在。

沈旭輝最後說:「剛才說的純粹是文學創作《1984》,一本人類的經典,是作者當時前瞻某一種未來的概念,當然絕對與現實無關。如有雷同,自然實屬巧合。」




請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe