眾新聞 Logo
眾新聞 CitizenNews
眾說

個個揸住個兜都不必坐監


吓!學生唱中共國歌唱到要報警!?

那隻——仔女在澳洲讀書、只識唱澳洲國歌的楊潤熊說,如果——「師生侮辱國歌,學校可以報警,等同盜竊和學生衝突!」

唔怪得移民外國的朋友常常講到爛——乜香港而家搞成咁㗎?完全唔似以前的香港!

做教育局局長的竟然可以教學校報警對付學生,呢個就是今時今日的香港。香港電台影片截圖

如果真係國家偉大,香港學生唱中共國歌時,應該是熱淚盈眶,腎上腺素分泌增加才是。而家搞到隨時會因為唱歌要報串,黑警入學校拉學生——「我係警員689777號,我而家拉你,而家唔係事必要你講嘢⋯⋯⋯⋯」真係嚇死青少年。

真是世界變、黐孖筋。

英國佬的時代,從來冇要求香港學生唱英國國歌。前輩說,最多是在電視台深夜收台前,播一次「天佑我皇」就算數,絕對唔係好似今日新聞咁逼你必要聽。

你問吓啲前輩,當時學生仔,個個都把英國國歌第一句改成——「個個揸住個兜」,揸住個兜,即是乞兒,其實是——「嚴重傷害了英國人民的感情」,但是英國佬從來都冇報串要來拉學生坐監,反而心中覺得改歌詞都改得都壓韻,有啲幽默感,當你是傻仔就算數。

冇嘢嘅,一個根本對自己冇信心嘅政府,連英國佬當年的胸襟也沒有,只識暴力兇學生仔,正一係——大蝦細、俾屎餵。

《國歌法》通過了,如果發生以下片段這樣的情形,校方是不是可以報警?


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe