眾新聞 Logo
眾新聞 CitizenNews
眾說

香港最美麗的風景都是人


戴耀廷提出很多計劃,都被人形容為天馬行空,好天真。美聯社

初選成唔成功呢,我就等睇埋結果先講,因為話唔定又令人跌曬眼鏡,又會有人鬧。但anyway,見到有人話戴耀廷每次都提出天馬行空的計劃,跟住誤打誤撞就實行咗。

其實佢的計劃唔係真係咁天馬行空。公民抗命,國際上做左N年,配票、填白區、初選,全部都係,由政治學層面睇冇咩咁驚奇。

咁點解大家覺得佢天馬行空?好多原因,我概括諗例如大家唔肯走出comfort zone,未做過就唔想試,又或者見其他人唔做就自己都唔敢做,又或者功利主義覺得唔會有用就唔做。

所以戴耀廷特別在,佢相信件事係對的,就應該去做,跟住真係自己落手落腳做,唔好怕唔得,唔好怕面懵,堅持去做,相信自己,亦都相信大家,走出comfort zone就會成功。我諗係呢個精神值得學習囉。

跟住你話係咪好天真呢,我又覺得嗰啲相信阿爺英明,只係被人誤導,佢哋都想香港好云云嗰啲人就更天真囉。其實戴耀廷好似都冇乜咁講過,佢都係認為你要用唔同方式施壓,中共先會坐低談判,不過佢一方面諗好多新施壓手法,同時強調要和平非暴力咁解。

所以佢嘅天真唔係針對中共,係針對香港人。人人話佢痴線,香港人唔會聽你講做呢啲事,佢都堅持去做。但原來香港人真係唔係乜都講功利,有時天真反而有回報。天真的香港人,令香港變得更可愛。唔只台灣,香港最美麗的風景都是人。

昨天初選各票站都出現人龍,構成香港美麗的風景

美聯社
美聯社
周滿鏗攝

 


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe