眾新聞 Logo
眾新聞 CitizenNews
眾聞

林鄭:有議員要求我去立會 我反問「只係俾機會做多場戲」


 

特首林鄭月娥接受香港開電視訪談節目《聲東擊西》訪問,被問及過去3年施政挑戰及未來2年工作方向等。主持人黃永問及林鄭月娥,有否擔心被美國或其他國家針對,然後作出制裁?林鄭月娥回應指不害怕:「我喺美國無資產,亦都唔係好嚮往去美國,咁佢唔俾簽證我,我就唔去囉。」

林鄭月娥在節目上,被問及剩餘的兩年特首任期內,打算如何與更激進的立法機關合作。林鄭說,現時就算是不太激進的「建設派」都很難溝通,很難進入立法會做理性互動:「當有部分立法會議員要求我去立法會,我就反問番,我入立法會只是俾個機會做多場戲。」

林鄭又認為,她與立法機關的關係有段時間相對平和,直至立法會補選(未有說明那個補選),涉及特區與中央的關係時就開始惡化:「有啲鼓吹港獨嘅人,特別行政區認為呢啲人唔能夠參選,當時關係已經開始惡化,去到修例更加無偈傾,所以我喺呢方面(與激進人士溝通)都不寄予厚望。」她稱,希望在未來兩年爭取做實事:「亦希望能夠將香港正本清源。我哋要履行一國兩制之下憲制的任務,維護國家安全係其中一個最重要嘅憲制任務。」

林鄭月娥提到,未來兩年任期仍然想做有關房屋、教育甚至文化的工作,但如果政治問題不解決,相信仍會是舉步維艱。那麼政治問題如何解決?林鄭回應,在較高層次下,是要整個社會可以加強對一國兩制的掌握:「如果時常認為香港可以自決,香港可以決定自己前途,又甚至可以不需要維護國家安全,同內地永遠保持對抗態度,先天性已經好難。」

過去3年多的特首工作,林鄭月娥形容有得有失,令她更認清與中央之間的憲制關係:「畢竟行政長官係唯一一個雙負責制,既向中央人民政府負責,又要向香港特別區負責。如果喺香港特別行政區入面,對於憲制關係理解的人不多,就會成日出現問題。」

林鄭稱,特首工作令她更深體會到香港是個很複雜的地方:「因為(香港)非常自由,非常開放,所以話唔受外部勢力影響,亦都唔係,一定有呢啲影響力喺度。係咁樣大環境,大氣候下,點樣保持到特別行政區可以履行一國兩制要求,其實都係好大挑戰。」說畢後,她向主持人再補充:「不過你識我咁耐,你都知我係鍾意挑戰嘅人,所以面對呢啲一個又一個嘅難關,我從來都冇氣餒去諗辦法解決。」她認為,自己失去很多個人時間:「我而家基本上都無個人時間,所以有多啲時間靜落嚟思考下,都係一個難得機會。」她又說:「行政長官都幾難做。」

被問到新局長表現如何、新舊團隊銜接的情況。林鄭月娥笑指:「呢條問題好難答。」她形容,現時各司局長都很有團隊精神,她特別鼓勵司局長:「呢個時候加入問責團隊,唔簡單,佢(問責團隊)唔係一份工,係要有好大使命感,先可以日日頂得住啲壓力,同埋好唔健康嘅人身攻擊。唔單止官員自己,包括身邊屋企人,被起底呀同嚇佢哋。」林鄭又透露,在組織問責班子時曾遇到困難:「都試過組班時,好多時就算問到佢本人肯,返到去問一問太太就唔肯。」

對於下一份施政報告重點,林鄭月娥表示已開始籌備,但因限聚令關係未能啟動,因未能一大班人討論。但她透露,下一份施政報告離不開談政治,基於兩點:「一來呢一年幾的事,二來係新一屆立法會,所以都係要談一談政治。」




請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe