田北辰今日正式聯同6名區議員退出有份創立的新民黨，新民黨主席葉劉淑儀回應時，刻意提及2010年田北辰在自由黨不得志、有意出選立法會，明白如今田北辰「選舉有成喇，想做返單身貴族」，不受黨約束，自己日後會找理念相同的人入新民黨，「找真正有誠意的人，唔係純粹入來新民黨做個副主席」。
她更提醒，田北辰與自己同齡，生日只差兩日，「任何人到咁上下，都應該研究點樣交棒、培育新人，為黨訂下接班人計劃」。
話鋒一轉，葉劉淑儀說，「凡係男人都鍾意多啲空間，我知道六年來有時我會批評佢，有時候太直率令佢唔開心，我對佢致歉，可能我對佢太直率，傷害咗佢自尊心，我自己作為一個女性都要深刻反省」。
田北辰退黨傳言自立法會選舉後已經醞釀，葉太透露，田北辰在立法會高票當選後，已搬離原先立法會辦公室，「都好明顯想同我們距離遠一點」。她表示，在三星期前收到田北辰口頭通知，當時與新民黨高層曾經挽留，但田北辰不接自己電話，當時知道他去意已決。
葉劉淑儀表示，西方雖然認為以一個黨派參選後退黨，應該辭職再選，但自己不會那麼計較，認為立法會換屆再選時，看看雙方支持度如何。她又指出，6名一同退黨的區議員過去都與田北辰緊密合作，但新民黨隨時歡迎他們回巢，下屆立法會選舉亦肯定會派人參選新界西。
至於田北辰力數在新民黨過去未支持自己的政策立場，又不點名引述地區聲音顧慮新民黨「太建制」，日後與中聯辦保持「適切距離」。葉太強調，兩人及新民黨六年來在政治立場並無分別，例如前年支持政改方案，「唔係我逼佢嘅」，而當時田北辰建議自由行封頂後開放更多城市旅客來港，所以新民黨反對建議。
她更挖苦身為田北辰身兼港區人大，與中聯辦有更密切溝通：「佢咪仲密切過我？佢係人大代表嘛，成日喺北京開會，佢識協調部、統戰部的人多過我，我同中聯辦都係朋友，一樣保持距離，佢係人大代表，應該比我更忠於國家」。她強調，自己對田北辰人大提案從來沒有意見，至於為何不支持銅鑼灣書店等表態，她解釋只是不同分工。
