《深喉》是美國鹹片的經典，內容是女主角的性高潮位是在喉嚨，要不停口交。嘩，咁嘅劇情當然令四十多年前的青春期後生仔——聞之神往！
前輩說，他當年讀中五，但係生得高，於是戴帽、「著大人衫」，搏懵，竟給他買到飛入了戲院看這套叫做「兒童不宜」的戱。睇完深喉，講給冇得入戲院的、目瞪口呆的同輩聼，那種偷偷摸摸，足足興奮了一個星期！
但今次偉大祖國派來的——「深喉測試隊」，卻沒有令到香港人興奮喎？
只有曾國衞陳肇始走去迎接，特區政府自己做戲買埋紥花，夾塞到隊員手上，自己拍埋手掌。
香港人都竟然會懷疑，嘩，啲「深喉料」會不會被送中㗎？呢班隊員係乜嘢Quali㗎有冇牌呀？嘩，乜佢哋唔使自我隔離十四日㗎？啲儀器乾唔乾淨㗎？大吉利是有乜冬瓜豆腐保險有冇得賠㗎⋯⋯⋯⋯
講到尾咪又係信心問題！如果來的是美國的Deep throat隊，日本隊，或者是台灣中華民國的隊員，你估會唔會有咁大反應呀嗱？
所以這根本不只是深喉的問題，而是深層次矛盾的問題。
