眾新聞 Logo
眾新聞 CitizenNews
眾說

【結他手確診週記】我帶住結他去亞博治療的日子


  

結他手Daniel Kin (圖片由作者提供)

各位親朋戚友,大家好,我28/7驗到確診了。無錯,我並不是講笑,真真切切的確診了武漢肺炎。

好多朋友可能並不知道,其實有咩病徵呢?我親身的經歷是肌肉痛,我仲以為自己拉背拉傷了。去了中醫朋友到針灸,但佢覺得我個病症有點奇怪,去驗一驗照一照比較好,就驗出事了。

好啦,大家可能比較好奇,28/7確診,問我衛生署有甚麼安排,直到1/8就有了,期間有叫我唔好四圍去,當然我都乖乖的沒有四處走動,但我相信唔理的人居多,因該30/7我已經沒有再肌肉痛了。

帶結他去亞博中心,並不是去玩,是因我需要保持住作為結他手需要的技術。(作者提供)

8月1日

大家都好關心亞博改建臨時醫療中心,可能有啲朋友看到新聞或連登說有人見到帶結他。沒錯,仲有邊個咁痴線會真係彈結他,呢個痴線佬咪就係我囉。上網見到有啲人留言,話:去玩咩?

其實我想講,並不是去玩,但我需要保持住作為結他手需要的技術,我唔止結他,仲帶了17吋的Mon和PS4 繼續打仁王2。

睡覺的位置如大家睇新聞一樣,沒有一點的私隱,甚至乎女廁近我個床位,成日都有女病人路過。(作者提供)

亞博中心裡,去個廁所都要行五分鐘,定時會開mic叫大家攞飯,午餐晚餐有三款選,比一般醫院飯好吃好多架啦。 沖涼有臨時搭建的沖涼房,沒有沐浴露沒有大家關心的番梘。睡覺的位置如大家睇新聞一樣,沒有一點的私隱,甚至乎女廁近我個床位,成日都有女病人路過。全場靜到一個點,其實只要大叫一聲,就全世界都聽到。

亞博中心全場靜到一個點,其實只要大叫一聲,就全世界都聽到。

8月3日

醫生話我X Ray 照到肺有點花,oh.. shit,我個肺花了,會唔會死架!?今次悲劇男主角仲唔係我。 然後話驚轉向嚴重,要立即送院啦,跟住上救護車由機場亞博去觀塘聯合醫院。晚上21:07 到了門口,在救護車內等了37mins,終於上房了,我入了高危傳染病房,果一刻覺得,全世界都怕我,除了死,我已經沒甚麼會輸了吧。然後行入病房,見到兩三年輕看似貌美的姑娘話:嘩,呢個好高,仲揹結他喎!

Umm... 我覺得我未來的醫院生捱應該走向極端,一係待遇好,一係待遇差。

皇天不負有心人,得閒要唱下有心人, 護士姐姐都好似幾like我。

亞博中心裡,去個廁所都要行五分鐘,定時會開mic叫大家攞飯,午餐晚餐有三款選,比一般醫院飯好吃好多架啦。

返來3/8晚22:30左右,安頓了一切後,立即問下護士姐姐有冇沖涼用的東西,俾左個病人套裝有沐浴露洗頭水仲有埋牙刷,奶茶咖啡好感動呀!立即洗返個白白,然後你以為我瞓覺了嗎?好精神,打陣機先,由於病房是二人病房,而我是第一位入住,我可以同大佬和謙少打機大聲講嘢啦。

8月4日

有位確診的伯伯做我鄰居,雖然佢成日答非所問,言談中聽得出佢好愛佢老婆和仔女,不過成日聽唔到病房個電話響,次次都我聽:阿叔搵你呀!

因為我地係高危傳染病人,所以醫生係唔會接觸我地,只會用病房電話打來問候幾句。所以我向來都話,要多謝就多謝護士姐姐的照顧,因為佢地係會直接面對面同我地送飯送水,量血壓和抽血照肺。

有段小插曲,去到醫院,仲有用一支好長的綿花棒深深咁插入個鼻裡抽取化驗,第一晚被插,我有點怕怕,到4/8晚又要來多次,護士姐姐話:應該你聽日出得院啦,醫生話你有抗體,不過就要撩多一次個鼻。

 omg 我縮埋左問:護士姐姐,唔撩得唔得呀,唔制呀。

護士姐姐:你乖啦,好快就走得架啦,點都要撩多下。

然後,呢一世我都記得呢兩下。 

醫生話我X Ray 照到肺有點花,話驚轉向嚴重,要立即送院啦,跟住上救護車由機場亞博去觀塘聯合醫院。

8月5日

 大約14:30醫生話我出得院了,確實已有抗體,等衛生署簽多文件同意我是已經有抗體和可以離開,17:30食埋個醫院的最後晚餐,沖個靚涼就走。臨走前我同伯伯講:阿叔,我走啦,你都好快有抗體就走得架啦,記得聽電話呀!

伯伯:恭喜你呀,走左唔好再返來啦,一路順風!

其實呢兩日都無同佢傾計,同埋佢一講野有點嘈,不過,佢都幾有親切感的伯伯,希望佢好返啦。
最後要講下,大家最關心的問題,有咩病徵,有咩後遺症,會唔會氣喘,會唔會跳唔高過1cm,有冇食過咩藥物?

我地係高危傳染病人,所以醫生係唔會接觸我地,只會用病房電話打來問候幾句。

人人不同的,我留意到好幾個人都話肌肉痛,小弟開頭都痛左幾日,之後就乜事都無,應該就無後遺症,跳高過1cm,不過我計唔到,無氣喘問題。 藥物方面,我有抗體前淨係食過藿香正氣丸,有抗體後就食過兩次抗生素。醫生有問過會唔會測藥,我真係唔敢take啦,佢話會影響情緒,影響個肝功能,影響不斷發燒,影響不育(雖然我未諗住再生)。

Umm... 其實大部分人都一星期左右會有抗體,所以,雖然係好麻煩,又停哂工作,但萬一萬一不幸中肺炎,大家不用怕,理論上殺傷力比感冒發燒還低。不過就要來回地獄又折返人間幾躺。

18:30 我出院啦,不記名的多謝呢段期間知道的朋友的支持鼓勵和伴陪,大家都唔嫌棄我是確診,有的說之後一齊飲酒,放題,夾band,打機等等,多謝大家,我返去自我隔離多14日就同大家見面。

P.S. 我輕左20磅

結他手確診週記
8月6日  完

原文載於作者fbDaniel Kin 眾新聞獲授權轉載

出院,輕左20磅 (作者提供)

請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe