眾新聞 Logo
眾新聞 CitizenNews
眾聞

籲民主派延任 黎智英:未必阻到惡法 但可見議會內有爭拗


壹傳媒創辦人黎智英出席網台節目接受訪問時表示,認為民主派議員在無法選擇的情況下,應該留在議會內,讓社會見到議會內有爭拗的形象,「唔一定每個bill都阻止到,但如果議會內的爭拗成為市民睇得到的狀況,社會就睇到議員爭取幾多權益,發生的效用係好多。」

被問到有何說話對抗爭派或勇武派說,黎智英說,「而家唔係攬炒嘅地步,爭取自由、法治係好長的路,撞埋牆就係自己整死自己。各人喺各個處境去抗爭,抗爭好多方法,我哋站在對的那一面,時間係我哋的武器,唔係靠勇武、唔係靠攬炒。」

壹傳媒創辦人黎智英(右)出席網台節目接受訪問。Ourtv截圖

壹傳媒創辦人黎智英今月10日被警方以涉嫌違反《國安法》等罪名被拘捕,被問到如何面對壓力,黎智英說,「Your life is not about yourself」,他說人生不是為自己,而是為有意義的事以及自認是做得對的事而活著,就不會感受到壓力,「將自己交俾上帝,無論你發生咩事都好,你都唔會慘過耶穌喺十字架。」他說,被捕一刻曾為有機會送上大陸而感到害怕,但只是一下子的事,「唔覺得係咩壓力,煮到來就食。」

黎智英被捕後,壹傳媒的員工會否擔心自身風險?他說,員工士氣反而提升了,但沒有方法可保證員工百分百安全,「呢個無得答,做嘢寫嘢一定小心啲,但小心咗唔一定無事」,又指「國安法又無red line,你要考慮自己安全先,第二係根據自己良知做嘢,第三係社會責任。」黎智英表示,暫時未見到有員工辭職現象。

黎智英說,「而家唔係攬炒嘅地步,爭取自由、法治係好長嘅路,撞埋牆就係自己整死自己,各人係各個處境去抗爭,抗爭好多方法,我哋站係對個面,時間係我哋的武器,唔係靠勇武唔係靠攬炒。」他又說,港人沒有暴力的本錢,只有道德的力量,「你暴力點夠共產黨對抗,無槍無炮,但我哋的力量係堅持反對邪惡的事。」

就近日引起社會爭議的民主派廷任或總辭問題上,黎智英回應稱,認為民主派應該留下來,「我哋係無得選擇的情況下,在議會內發生作用大?定係在議會外好處多呢?當然在議會內做到幾多得幾多。唔一定每個bill都阻止到,但如果議會內的爭拗成為市民睇得到的狀況,社會就睇到議員爭取幾多權益,在議會內發生既效用係好多。」




請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe