眾新聞 Logo
眾新聞 CitizenNews
眾說

警司毅進化,㸃同美女戰狼比


以前港英時代的警司,叫做——「膊頭孭皇冠」,superintendent,行出嚟起碼叫做壓得住個場 ,邊有好似昨日陳天柱警司咁樣,簡直是荒唐走板,反面教材,全球笑柄。

昨日佢不斷喘氣,記招未開完就已經畀人叫你做——「扯氣高級警司」,腎上腺素分泌狂增,我估阿天柱當時心跳接近100下,好驚佢心臓病發。

天柱講嘢唔敢望鏡頭,詐詐諦諦摸紙摸左摸右,不斷低頭。如果你讀過大學心理學第一堂,一定知道,咁樣根本就是心虛。

但係陳警司又學人串嘴喎!又要學人串記者喎!冇嘢嘅,可能想學美國佬侵侵的白宮發言人——「戰狼靚女」麥肯阿尼,但人家靚太,串記者串得嚟有型有格,又帶幽默,你就九唔搭八、衰衰格格。

又冇嘢嘅,可能popo中毅進仔多,佢身為警司,成日近住呢班毅進仔,潛移默化,於是——警司毅進化。

好在明年DSE中文科取消口試,否則天柱警司咁嘅水準去考中文oral,一定炒硬,準備去讀毅進都得㗎喇!


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe