眾新聞 Logo
眾新聞 CitizenNews
眾說

國際金融中心香港再有創舉


繼美國宣布承認香港成功完美融入大陸,以及特首和多名高官被美國制裁,香港的國際金融中心地位再下一城!講緊當然就是多名股民購買壹傳媒股票,被警察毒品調查科指涉嫌造市被捕。今次事件至少涉及以下多項獨步全球的創舉:

1. 造市是由毒品調查科,而非證監會調查(周五證監出聲明指如需要金融專家意見他們樂意提供)

2. 買賣股票,賺錢是可疑,蝕錢可報警

3. 與其他投資者有交流,有whatsapp,也屬可疑

4. 多人同時買賣,亦屬可疑

5. 即日多次交易,又係可疑

6. 低買高賣,高位散貨,都係可疑

7. 無業人士有資金炒股,當然係可疑

8. 不在容許沽空的股票也可被沽空,呢樣堅有可疑

Anyway,有人就說,今次是政治檢控,又說經濟不應該跟政治扯上關係,香港是經濟城市不是政治城市,結果政府自己最愛政治化,現在香港淪為警治城市(police state),國安法同話冇三權分立已經令國際信心大減,今次政府更濫用警察任意搞人破壞法治,云云,下刪N字, 我當然是不同意啦。

今次正正是證明香港警察對金融市場監管嚴密,仲嚴密過金管同證監,就好像東廠完有西廠內廠,是多一重保障。 金管和證監查不到?警察求其搵個理由就可以查!正正是可以反過來令國際投資者,特別是各間經常高頻交易、高位散貨、沽空、同其他市場人士飯局聚會溝通的投資大行放一萬個心。

最後,如果講成咁你都仲係擔心,唔洗驚!學我講一次呢句五字真言:有政府唔驚!香港國際金融中心地位係憲法同基本法定明,任何外國勢力牛鬼蛇神都係動搖唔到的!相信我哋政府! 抗疫成功,股市上三萬點!有大灣區,上四萬點!有明日大嶼,五萬點都嚟緊!有政府唔驚!


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe