南海十二仔女 ，捉了個幾月，家屬連條毛都冇得探。
但你又睇吓人家加拿大嗰條——慢慢舟，著住高踭鞋，一時白色裙一時藍色裙，綁住電子腳鐐周街行，不知幾風騷，唔話你知，你絕對以為她是律師、星媽，多過似是疑犯！
還記得，她爭取保釋成功那晚，鬼佬律師在寒風中緊抱慢慢舟， 多麽溫暖窩心，當然，鬼佬最重要是攬住慢慢舟的律師費。
慢慢舟的豬朋、老公隨時可以去探佢，後園開BBQ，你知唔知加拿大的牛扒很好肉味的？十二仔女在鹽田，未必食屎，但就算俾牛扒，見不到家人，都絕對食唔落。
十二子的家屬？ 唔好話連條毛都掂唔到，連開記招都要自己包到好似恐佈份子咁，好像家屬自己也犯法，那裏有慢慢舟為國爭光似的挺胸昂首！
唔使講啦，根本三十日不准家屬去探監，這個法律，就已經是——反人性、反人類的！大佬，探監咋嘛，你估而家劫獄呀？大佬，偷渡國境咋嘛，有冇慢慢舟咁大罪呀？
冷血冇人性的保皇黨說——這就是中國的法律、是「依法辦事」，嘿嘿，第日你個仔衰咗，你能夠接受三十日冇得探監，還是做慢慢舟？
