眾新聞 Logo
眾新聞 CitizenNews
眾聞

【10.1遊行】合約公務員上街:大佬有啲人坐緊喎,你就咁當condom?唔係吖嘛


昨日的銅鑼灣街頭,隨處可見警方拉起橙帶,被截查的途人不乏長者。莊曉彤攝

昨日是10.1,適值中國國慶兼中秋。警方在銅鑼灣駐重兵,東角道一帶幾乎被警員「佔領」,而且總是在驅趕著行人。街頭上,不難見到白髮斑斑的長者,也有打扮斯文的文員。記者在行人路上留意到一位年約40的女士,穿白衫,身上的衣服、飾物、鞋都無一黑色,唯有小背囊上掛著的一隻「迷你連豬」吊飾,表露了心跡。記者趨前邀請受訪,她說自己的工種敏感,叫做「唔想宣誓個隻」。

她是NL,現職合約公務員。她表示自去年開始就非常關注反修例運動,而堅持至今的原因,她淡然道:「大佬有啲人坐緊喎,你就咁當condom?唔係吖嘛。佢反送中真係幫緊香港。」

NL掛在背囊的一隻「迷你連豬」吊飾,表露了心跡。莊曉彤攝

合約公務員NL在港土生土長,生活了40、50年。昨日她在銅鑼灣駐足了好一段時間。公務員事務局長聶德權日前向全體公務員發信,提到46名公務員因涉參與「非法公眾活動」被捕、被起訴,全部已被停職,並強調對違法公務員「零容忍」。NL卻說,昨天出來沒有太多顧慮,「無乜諗後果,如果真係捉嘅都無辦法。我喺度行都見到佢哋stop and search,你中就中架喇。」

記者形容她外表不似是被警察鎖定的目標,她不同意:「好難講架喎,無得講架。乜我個樣似腦殘咩?」她口中的「腦殘」大抵是指沒有關心這場反修例運動、沒有關心香港的人。

她表示自己非常關心這場運動,「無得唔關心,講真,你點可以唔關心,除咗你唔係香港人。我喺度出世,仲要幾代人都喺香港。」她覺得,不只是12港人,每個人現在行出來的代價都好高,嘆港人只能見步行步。

NL續指:「我知好多人縮哂沙,轉埋呔添。(咁點解你咁堅持?)大佬有啲人坐緊喎,你就咁當condom? 唔係吖嘛。佢反送中真係幫緊香港。唔係一聲好驚(就唔關心),咁佢哋之後點。佢最青春嘅時間喺入面。」

作為公務員,她比較糾結的是宣誓問題。被問到職業的時候,她形容是「唔想宣誓個隻」。她略帶遲疑地說:「er...咁一日未宣誓我都可以走,就算宣咗誓都可以走,唔係架咩。(但你諗住走?)唔知架,今日唔知聽日事,講真。」她相信,如果宣誓的一天要來,也會有其他人未必妥協。

黃婆婆穿黑衣,帶著黑色雨傘來到銅鑼灣。莊曉彤攝

65歲的黃婆婆昨日相約兩個朋友到銅鑼灣,「我唔熟呢一區,諗住約埋食吓嘢行吓,你點會諗到咁多警察,你會好驚。驚的,因為唔知幾時會拉我,我唔係怕佢拉,因為我都無犯罪。喺香港,無一個地方係無人。行街都犯法,我係想唔通。」

昨日中國國慶兼中秋,她形容本來是好開心的日子,國慶是應該高興的,「我都想中國進步,但而家唔係中國,係中國共產黨治理,你當人民無價值。本身你想人吔國慶係開心,我而家行到出來,我係無諗住見到咁多警察。」適值中秋節則更是令她難過,因為想到12港人和他們的家人,完全無法聯繫,她形容,光是想像都令她覺得心寒。

訪問在行人路進行才幾分鐘時間,警員就來驅趕。黃婆婆朋友數一數手指,計上記者也不過4人,不明白為何要被趕,形容「無所適從」。記者向警員指出這裡只有4人,警員說:「我都唔係講呢啲,我都無警告你限聚令,我話唔好停留、唔好阻塞交通,明唔明白?唔使執住我哋呢樣嘢,我哋唔係剩係得一招架嘛。」




請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe