眾新聞 Logo
眾新聞 CitizenNews
眾說

問候你老闆


在林鄭月娥政府任職期間中途調職擔任公務員事務局局長的聶德權,日前宣佈在今年7月1日開始入職的公務員需要簽署聲明,確認擁護基本法及效忠特區政府,更加表示好難想像一個僱員做嘢時公開鬧老闆,同老細對著幹。聶德權的言論果然精闢。冇錯,邊個打工仔可以同老闆對著幹!嗰個就係你上司林鄭月娥。一句官到無求膽自大,大膽到可以同自己老闆對著幹,更加要旗下所有公務員跟老闆對著幹,果然係年年考第一高材生先至做得出。

公務員事務局局長聶德權。商業電台《政經星期六》直播影片截圖

究竟邊個係全香港公務員老闆?邊個係聶德權老闆?邊個先係林鄭月娥老闆?乜唔係七百萬香港人咩?邊個出糧畀你班狗奴才?就係全香港嘅納稅人。你班垃圾狗官有邊個唔係用香港人嘅錢出糧?答我,出糧畀你嘅係咪你老闆。如果答案係是,點解你班垃圾可以同香港人對著幹?香港二百萬人上街反對逃犯條例修訂,你班打工仔同我講睬你都有味,我死都唔會撤回。你哋嘅老闆話畀你聽唔封關香港會攬炒,結果你真係同我攬炒香港,第一波同第三波疫情發生乜事,唔使我再提啦啩。明日大嶼等於倒錢落海,就算親建制報章《東方日報》都係咁講。結果呢,繼續研究呢個大白象工程,慌死香港庫房唔會乾塘咁樣。

結果,呢班打工仔日日同自己老闆對著幹又如何?你出糧畀我,我就將你哋嘅血汗錢揸乾揸淨,攞去興建大白象工程,一條廢鐵一條廢橋再加一個冇人用嘅蓮塘香園圍口岸夠未?未夠,明日大嶼先至洗錢洗得快。今日同你講五千億,明日同你講一萬億。唔夠錢就發債,等香港人以為又有投資黃金機會。點知錢永遠都唔夠,無限發債無限印銀紙。一個給新移民住的明日大嶼,將自己老闆血汗錢一鋪清袋,更將老闆多年來建立的地位一夜毀滅。

聶德權,你知唔知你老闆邊位?係全香港七百萬人。如果公務員一定要聽政府話,即係話可以泯滅良知,助紂為虐。咁樣你都可以叫你上司英文名由Carrie改造Hitler。


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe