眾新聞 Logo
眾新聞 CitizenNews
眾說

今次唔見幾多錢


本來星期三宣佈的《施政報告》,突然間被押後到11月。林鄭月娥表示十月底將會到北京,和中央政府商討支持香港經濟的政策,星期三也選擇帶隊到深圳參加習近平主禮的深圳成立40週年大會。究竟中央又有乜嘢好嘢畀香港人?究竟係一條通車後大灣區人依然難回香港投票的高鐵和港珠澳大橋,是消耗香港一半庫房的明日大嶼,還是花費超過五億但效果比起在門診派樽成效更低的強制全民檢測計畫,抑或係超合金宇宙無敵加強版,一鋪過嚟一次終極大白象工程,一次洗晒香港財政儲備,更要大舉發債的救國大計呢?今次大鑊了,究竟香港人要唔見幾多錢?

EYEPRESS照片

每次中央說有好嘢畀香港,結果次次都中伏。一條高鐵花費數以百億元,港珠澳大橋一樣價格高昂,自由行最後變成走水貨及雙非產子漏洞。今次更破天荒需要林鄭月娥押後整份施政報告公佈日期,幾乎肯定今次呢份大禮破天荒。究竟係史上最強基建;定係無限輪迴全民檢測再加監控健康碼;抑或係估你唔到救國大計,宣布香港動用所有財政儲備外匯基金儲備橫掃國債及國內企業超高息非投資級別債券,表示可以為香港帶來豐厚收入,然後話你知如果(只係如果)恆大十幾厘債券可以還息還本,利息全數用於社會福利?

無情白事押後施政報告宣佈日期實在令人擔心,尤其係來自官到無求膽自大的宇宙無敵高材生林鄭月娥,每次同你笑笑口,就會背後插你一刀。今次毒娥又有乜陰謀,大家沒有答案,只能祈求天父做十分鐘好人,怕發生的永遠別發生。


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe