眾新聞 Logo
眾新聞 CitizenNews
眾說

分分鐘需要你


宇宙最強抗疫專家、護士出身的食物及衞生局局長陳肇始今日又有新搞作,宣布為確診武漢肺炎市民提供一筆過五千元津貼,更加無需資產審查。機會嚟喇飛雲,唔知又有幾多位求「財」若渴的市民,為了錢冒險中招,然後出現五千蚊確診群組呢?陳肇始,香港真係分分鐘需要你呢位終極智將,延續英國首相約翰遜的群體免疫措施,讓香港七百萬人齊齊中招,然後無需任何抗疫措施,因為人人都是病人,仲使乜要社交距離措施呢?為了表揚陳護士,筆者決定為陳護士送上一首林子祥的首本名曲,並唔係去到惠康聽到燥嘅yuu主題曲,而係《分分鐘需要你》。陳護士,請留意歌詞。

願我會奶咗嘢 五千蚊收到曬 入到方艙四人住
活到幾多歲 都真濕濕碎 有病毒先至多樂趣
病發的口水 一千蚊sell給你 賣曬始終冇難度
就算打黑雨 只需攞到貨 換番五千咪做錯

咪笑佢真心痴 肇始真的介意 全民病發你真死未
要與你真攬炒 分分鐘需要你 你抗疫真心嘥氣

第四波即刻爆 皆因這位黑哨 用你公帑作傻事
就算咳都笑 發燒好好笑 有病先收錢最重要
若有朝奶咗嘢 真心不需怕 大細一家去團聚
集結幾多個 五千要攞喎 全家今次發達了

佢亂洗公家錢 真心超級黐線 全城病發你死得未
咪再理佢限聚 上車始終靠你 齊入醫院吸氧氣

各位過去大半年不斷用巨額購買防疫裝備的市民,不知道收到陳肇始中招有獎這消息後,會否齊齊棄罩,打算透過中招攞番五千蚊幫補家計,然後香港成為地球上首個政府用公帑鼓勵群體免疫,從而無需疫苗也可以令人人有抗體的城市呢?期待陳肇始製造創舉,然後成為公共衛生歷史上的希特拉。


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe