眾新聞 Logo
眾新聞 CitizenNews
眾說

港官薪金最高,智商最低


禁堂食全城踎街食飯、限聚四人限食六人、旅遊氣泡未開已爆......當你在疑惑港官可以有幾多低能措施出台,挑戰人類極限,原來真是低處未算低,最新又有中毒賞五千。此招一出,全城轟動,一日之間,網上不分黃藍絲瘋狂恥笑,這大概就是林鄭講的we connect。以港府性格,有人為社會添煩添亂,正常不是要大大懲罰,拉人封艇告到甩褲,最好是立即收監,造成阻嚇性的嗎?怎麼會要獎勵?到底這獎5000政策出台前有冇經過研究,目的為何,反應會如何,能否達到目的?咁我估可能有嘅,但事實證明香港班官太低智,所以研究了都是咁。

林鄭特首個班子,人工與智力不成比例。

如果班官的薪水是EO級(仲要是新入職),可能大家都冇咁眼冤,可惜大家都知不是,香港官員薪水近乎全球最高。據悉現時特首月薪39萬,三屍32-34萬,局長31萬,常秘30萬,署長25萬......(唔好同我講話公務員冇份制訂呢堆白痴政策呀)一個月使緊大家過千萬,但想到的政策就是禁堂食全城踎街食飯、限聚四人限食六人、旅遊氣泡未開已爆、中毒賞5000......我真係恭喜你呀,記得準時交稅呀。

btw上一代(主要是藍絲和自稱中立派)老是常講,你唔好怨,你夠叻夠努力自然就可以向上爬......望著這班香港政府最top,應該都算是香港上一代的表表者吧,都是如此低智,按此邏輯香港上一代的智力......唉!唔講到咁白了,真相有時好難接受的。


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe