眾新聞 Logo
眾新聞 CitizenNews
眾說

此地無銀三百兩


呢條問題,唔准諗,即刻答。究竟11月有幾多日?答案係30日,11月係冇31日嘅。只不過唔知點解香港有一個紀律部隊非常擔心每個月最後一日,所以就算11月冇31號,依然杯弓蛇影,更加宣佈如果下星期一11月30日再有市民或區議員到太子站獻花,會被立即驅散和拘捕。再一次多謝香港警務處提醒 2019年8月31日太子站發生了一件慘案,所以原來大家牢牢記住831。

照片來源:林兆彬區議員Facebook

去年8月31日太子港鐵站發生了什麼事,相信香港人不會忘記。只是隨著時間過去,還會在太子站外悼念的人越來越少。畢竟就算在旺角街頭行街或者買顏料都係罪。只可惜就算會到太子站獻花的人越來越少,但係可能有些人身有屎,見到鮮花就會想起某些同袍的惡行,例如在港鐵車廂內無差別襲擊市民。所以每逢去到月尾,尤其是21號和31號,都會特別擔心。究竟有乜嘢好驚,你話呢?如果係行得正企得正,何須擔心有人在太子站外獻花?正所謂清者自清,到了一年多之後還要繼續如此恐懼,難道因為有人做了不能見光的事或者一些虧心事?

多謝香港警隊再次提醒市民,原來 9月0日,港鐵太子站外發生了一件大家不能忘記的事,所以市民更要永永遠遠記住這件事,因為到目前為止還未水落石出,還未得到應有的公義。


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe