眾新聞 Logo
眾新聞 CitizenNews
眾說

我從第一天開始就未曾愛過你


七婆話通識教育這一科——「由第一天開始就有問題。」

我識得有個潑婦要搵離婚藉口,就同老公話 ——我從第一天開始就未曾愛過你。

這是一個研究了十年才推出來的科目,這通識教育,LS,是世界大學承認的科目, 竟然佢夠膽講話由第一天開始就有問題,這侮辱了全球的考試機構的智慧。

應該所有負責研究推行過的官員,全部要辭職,要問責,甚至仲要嘔番人工出嚟。
因為他們罪大惡極,一個通識科,就可以由第一日起教壞香港幾十萬後生仔,變成黑暴,而政府官員竟全不察覺!在日本,這樣的官員,甚至可能要自殺。

當然要負起最重要責任的是林鄭自己,她在政府咁多年——睇住通識大,睇住通識壞,但係竟然由第一日開始出問題容忍到今天?咁樣最失職、最疏忽監察下屬的就是七婆,今天才突然察覺,但察覺完又可以好似完全同佢冇關係喎!

 如果第一天通識科就有問題,林鄭一定要負上監察不力的責任。不過現在香港人已經慣了,林鄭這種荒唐大話連篇,都費事去駁斥。香港電台照片
 

其實講到尾——自己搞唔掂香港人,失職,就賴落通識,擘大眼講大話,講大話的水準一浪低過一浪,用一個大話來冚另一個大話,根本講的大話,連自己都唔會信,荒唐程度比從第一天就未曾愛過你的兇婦更不堪。


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe