廣告行業不時要日夜顛倒兼長時間工作，有十多名員工的廣告公司Secret Tour最近破格推出一個月有薪假期政策，只要生意額達標，公司員工分批在8月及9月放一個月有薪假期，公司創意總監鍾振傑（Stephen）表示，希望新有薪假安排可以讓員工有喘息空間：「跑完100米，之後抖下、諗下100米跑成點，之後再跑下一個100米。」
「工作應該有張有弛」，批准一個月有薪假政策的母公司The Bees Group行政總裁曾錦強如是說。他表示，過去數月員工透支得很厲害，而前數個月營業額已經超過經營開支，所以有條件做個大膽一點的實驗。
這位先後批准公司與員工分紅、OT飯錢無上限的破格老闆說，有薪假對生意額肯定有影響，但做生意一直以來目標很簡單，「總之唔蝕就得，唔需要賺好多」。
「其實一間公司係咪生存到，係睇有無錢賺，賺多、賺少同佢發展速度有關。有時我覺得，發展得好快都未必係好事，一個人突然膨脹了一倍，好多嘢都負荷唔到。我覺得公司慢增長可能優質增長好過急速膨脹，突然看到好多job、好辛苦、好burnt out，其實係咪真係停番落嚟、慢番一步、接少啲job，等啲人有喘息空間。」
在今次的特首選戰中，Secret Tour曾經協助曾俊華團隊，他們與另外兩家公司，在品牌設計、宣傳、社交媒體、印刷和拍攝部分影片方面，合共收取至少160萬元，開支申報沒有細分各間公司的收入。
廣告行業生態始終根深蒂固，今次安排能否改變整個行業生態？曾錦強坦言，「無（改變）㗎！但我覺得做創作人係要有抖氣空間，呢個停下來讓自己可以走得更遠，所以原意唔係改變工作模式，因為工作模式始終受行業nature影響，但呢個抖氣空間，係對廣告人很重要的停頓。」
由於通宵趕製拍攝及構思，行內有稱為「0726」，就是早上7時開工至淩晨2時（24+2，26點）。即使在Secret Tour，過去一個月中一半日子，員工也要淩晨兩點三時才放工。
公司另一個創意總監Jennifer Yip說，入行初期亦一度質疑及鄙視長時間開夜做法，但「做呢行好反智，因為衝嘅時候，等於頭浸咗落水抖唔到氣，返番水面抖嗰啖氣係最爽嘅。其實就係為咗嗰啖氣、做咗啲好嘢、諗咗啲好嘢又execute（執行）到，就係嗰moment又忘記咗之前burnt out（耗盡）。」
Stephen承認，仍未處理到長時間加班問題，公司內曾經討論過能否朝九晚五，或者仿效醫生「on call」36個小時之後一兩日休假，但最終擔心廣告質素未實施。
至於怎樣運用一個月有薪假期，三人給了三個不同答案。Jennifer說，肯定會去旅行，並用時間探索對香港人而言，何謂香港，再套用在日後廣告構思。曾錦強則笑言，大學畢業後至今未放過長假期，但其實自己很享受工作，可能待子女長大再放長假期。
Stephen則反問記者，「其實呢個問題都好反映香港人（心態），你要有嘢先可以放假，或者一有假放，幾日之內澎澎聲諗清楚做咩喇，唔一定嘅，做咩要咁快咁急呢？真係唔使嘅」。
「可以自然醒、睇番本書、飲番杯咖啡，我都覺得好想放假做。」
