作為中共管轄的一個城市，香港今年也興起將某些字列為禁字。中共最出名的禁字當然就是八九六四。香港更加出類拔萃，不論好人一世平安、光復香港、甚至是願榮光歸香港，全部都被禁。與革命完全無關的一個四字詞，想不到也成為香港最新一個禁字，呢個四字詞就係 「武漢肺炎」。
日前衞生防護中心的武漢肺炎疫情記者會期間，有傳媒發問時以「武肺」形容新型肺炎，主持記者會的新聞主任提示記者，可採用「新冠病毒」字眼，其後另一名記者追問事件，質疑主持是㫘收到指示，禁止記者以「武漢肺炎」字眼提問，或是否由行政長官下令不准採用「武漢肺炎」字眼，新聞主任避而不答。
一日後的記者會，有記者兩追問使用「武肺」字眼，是否會被趕離場或有甚麼後果。主持記者會的新聞主任表示，世界衞生組織已將病毒命名為「2019冠狀病毒病」，指記者發問時可採用「新冠」字眼，又指新聞處已回應傳媒查詢，記者有需要可向新聞處跟進，隨即便直接宣布記者會結束。
多謝衛生防護中心正式宣佈「武漢肺炎」成為 2020年最新一個禁字。但等等，究竟武漢肺炎四個字有乜問題呢？除非有人身有屎，否則武漢肺炎四個字其實一啲都唔負面。話說香港同內地政府日日表示內地抗疫世界第一，更加不斷恥笑歐美國家抗疫失敗。既然如此，將新冠肺炎直接叫做武漢肺炎，豈不是就係間接讚揚內地抗疫有功， 等大家永遠記住武漢嘅成功故事？所以就算武漢係第一個城市爆發疫情都不代表武漢最大鑊？德國麻疹、香港腳和日本腦炎同樣用地名作為疾病名稱，不論是香港還是另外兩個國家，從來都沒有投訴過。部分新發現的細菌和病毒更會用首個發現地作科學命名。點解其他病毒和疾病可以，偏偏武漢肺炎唔可以呢？唔通武漢有不能說的秘密，所以就算有人吹水表示中國控制疫情有功，所以都唔可以用武漢肺炎呢四個字形容在武漢處理有效的疫症呢？
我真係好想知道究竟背後有乜嘢原因，令武漢肺炎成為最新一個禁字 。政府新聞處， 如果你有內幕消息，不妨同大家公開，我真係好想知呀！
