眾新聞 Logo
眾新聞 CitizenNews
眾聞

理大圍城互動專頁 八大章節紀錄心聲歷史


理大圍城互動專頁

「寫遺書嗰陣出面煙霧彌漫,呢啲情況係前所未見」、「我爬出欄杆嗰一刻,心跳快到不得了,腳都軟晒」……眾新聞製作「理大圍城」互動專頁,整合圍城13日的新聞片段、圖片和故事,由大三罷、開戰、包圍、求救、突圍、游繩、爬渠、勸退及餘生,八大主題紀錄理大一役的慘烈、傷痕和責任,讓歷史留下憑證。

「我爬出欄杆嗰一刻,心跳快到不得了,腳都軟晒,手心爆汗,我自己都唔係好信自己真係做到。但嗰一刻腦海淨係諗住,一係我就瀡落去,一係就坐十年,我仲有得揀咩?」

「寫遺書是周日凌晨一、兩點,嗰陣時出面煙霧彌漫,又水炮車、好多催淚彈,我唔係好識講,呢啲情況係前所未見。」

「以為可以喺幾百米外見到佢哋,但原來門口都出唔到......不如算啦,唔好夾硬嚟。好攰,想出一出去。」

「我會留到最後一個細路離開為止,否則我就一直住喺度。」

「在社會上我係犯法,但我唔係犯罪。我從來無違反過自己堅守嘅信念。」

2019年,香港抗爭風暴自6月爆發以來從未止息,更在11月演變成大學攻防戰,先有中大二號橋一役,單日撿獲超過二千發彈藥,及後迎來長達13日的理大圍城,逾千人被圍困圍捕。

圍城內有人突圍、游繩、爬渠、爬路軌、睡天花板,食物短缺,衍生人道危機;圍城外史無前例數以萬計民眾,多區連成一線試圖「圍魏救趙」救理大但不果,更發生油麻地人踩人慘劇,逾百人遭控參與暴動。

理大圍城重創整場反修例運動,也翻天覆地改寫區議會選舉,破紀錄逾七成投票率,泛民歷史性取得八成半議席,民眾向這場逆權運動明確表態,向政權和警暴說不。

眾新聞製作「理大圍城」互動專頁,整合圍城13日的新聞片段、圖片和故事,由大三罷、開戰、包圍、求救、突圍、游繩、爬渠、勸退及餘生,紀錄理大一役的慘烈、傷痕和責任。電腦版和手機版各有不同呈現效果,電腦版能一覽整個理大互動地圖,點擊不同關鍵地點,可追看新聞報道和片段。

理大圍城互動專頁




請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe