眾新聞 Logo
眾新聞 CitizenNews
眾聞

COVID-19疫苗常見問題


編按:本文英文原文為港大微生物學系臨牀助理教授薛達撰寫,醫生鄺葆賢翻譯成中文刊在個人網誌。行文保留口語方便廣傳,經編輯輕微改動。

香港準備係二月開始接種COVID-19疫苗,今次想講下我成日比人問嘅新COVID疫苗問題。今次係人類史上最快嘅疫苗研發到接種嘅行動,始終係打嘢入身體,大家有擔心係可以理解。坦誠面對呢啲問題同擔憂係好重要,否則只會導致更多人對疫苗猶豫。

 Dr Sid’s blog:FAQs on COVID-19 vaccines

全球多國開始接種疫苗,圖為以色列一個醫生準備輝瑞醫療。美聯社

問1:COVID-19疫苗係咪真係有效?

答:香港購買嘅三種疫苗均在第3期臨床試驗中顯示出有效,有效率超過了WHO對疫苗定義為有效的預定標準(即50%)。表示疫苗可保護接種人士免受由於COVID-19引起嘅症狀同嚴重疾病。(Polack FP et al,NEJM 2020;Voysey M et al, Lancet 2020;Butantan Institute press release)

問2:打咗保護可以維持幾耐?

回:目前為止,我哋仲未有確實嘅答案,因為只係跟進咗疫苗接種人士幾個月,但喺臨床試驗中,經第二劑疫苗注射後會係3–4個月內保持效力(Polack FP et al,NEJM 2020;Voysey M et al, Lancet 2020)。研究正繼跟進參加者以評估疫苗嘅較長期療效。

有一啲研究顯示,接種兩劑Moderna mRNA疫苗後3個月嘅抗體反應仍然很高,即可以長期提供持久保護(Widge AT et al, NEMJ 2021)。對其他產生強烈免疫反應嘅疫苗係好消息。

問3:疫苗對變種SARS-CoV-2病毒有無用?

答:最近,英國、南非和其他地區出現了SARS-CoV-2的變種。有科學家會擔心變種病毒對COVID-19疫苗產生嘅「抵抗」免疫力。但最近一篇論文證實咗N501Y突變唔會影響mRNA疫苗嘅性能(BioRxiv, 2021)。其他使用棘狀蛋白為基礎技術嘅疫苗可能有同樣情況。對於其他突變對疫苗嘅性能影響仍在緊急研究當中,有望好快就有結果。即使將來某個突變會影響疫苗性能,使用如mRNA 技術嘅疫苗都可以迅速調整,重新應用喺當時流行嘅病毒株。

問4:mRNA疫苗好似好新喎。係咪真係準備好俾人用架?

答:滅活疫苗(如SinoVac的疫苗)係一種歷史悠久嘅技術,目前應用於甲型肝炎,小兒麻痺症和瘋狗症(狂犬病)嘅疫苗。

而mRNA疫苗亦並非新事,技術實際上已存在將近十年。呢啲疫苗亦已經用於人類的多種傳染病嘅早期試驗中,並在癌症治療中使用了數年。 mRNA瘋狗症疫苗嘅第I期臨床試驗已於2017年發表(Alberer M et al,Lancet,2017)。

腺病毒載體疫苗係非洲伊波拉疫情中得到研究(De Santis O et al, Lancet Infect Dis, 2016, Tapia MD et al, Lancet Infect Dis, 2016)。所以呢啲疫苗有相當長時間用於人類。

喺非洲爆發伊波拉疫情時,科學家研究過黑猩猩腺病毒疫苗。呢款技術亦有用於兒童嘅安全性和有效性數據(Tapia MD et al, Lancet Infect Dis, 2020)。

問5:疫苗出得咁急,啲醫療公司同政府係咪走捷徑?

答:傳統嘅疫苗開發過程效率低,有好多資金問題、試驗設計問題或者監管機構行政官僚,導致長期有拖延嘅情況。

但針對COVID-19,疫苗開發程序已高度簡化。過去十幾二十年眾多對SARS同MERS冠狀病毒嘅研究以及對新病毒作準備,所以於今次COVID-19疫苗研發中能迅速應用。簡化嘅臨床試驗乎合高標準,無咩偷工減料。由於情況緊迫,監管機構嘅官僚程序亦已大大精簡,甚至等緊臨床療效時就已進行生產和分配。

今次正正是向世界展示當有尖端科技加上無資金顧慮所產生嘅效果,係現今人類嘅成就,亦係未來應對疫症大流行嘅理想示範。

問 6:聽講疫苗會改人嘅DNA,係咪真架?仲有無咩未知嘅副作用呢?

答:呢個講法係錯嘅。呢啲擔憂通常同mRNA疫苗有關,mRNA就好似整蛋白質嘅說明書,顯出棘狀蛋白激發對該病毒嘅免疫反應。佢履行完功能之後就會迅速降解,mRNA 係唔會進入細胞核,亦唔能夠改變DNA。

而估算到今日(2021年1月10日)全球已接種咗2400萬劑疫苗,短期經驗發現疫苗整體嘅接受情況同安全性俱佳。有人關注mRNA 疫苗與其他疫苗類型相比,mRNA疫苗嘅過敏風險有所增加(Castells MC et al, NEMJ 2020)。但透過為有嚴重過敏史嘅人注射其他類型嘅疫苗,就可輕鬆避免過敏。考慮到疫苗嘅作用方式,喺中長期遇到無法預測的副作用嘅機會係好低好低。

問7:孕婦同小朋友又點呢?

答:直至有相關年齡組別嘅臨床試驗數據前,孕婦同小朋友應該延遲疫苗接種計劃。 但由於大多數COVID-19疫苗不含活病毒,因此一些國家/地區決定鼓勵孕婦接種疫苗。 呢個決定理論上係是相當安全,但係未有足夠嘅安全性數據之前,我認為香港嘅孕婦暫時無迫切需要立即接種。

希望呢啲事實能緩解大家對接種COVID-19疫苗嘅關注。 畢竟,我們都希望為自己身體做出最佳選擇。 如果對疫苗有任何疑問,歡迎提問。

選擇的時候,要堅持可靠的事實。

祝你有個愉快的一周。




請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe