眾新聞 Logo
眾新聞 CitizenNews
眾聞

【抗爭融入生活】設計師:制肘激發創意 派利是話畀同路人知我哋仲係度!


年近歲晚,各式各樣的賀年產品,如雨後春筍湧至,揮春、匙扣、利是封......去年,利是封或紅或金的底色上,燙上各式抗爭口號。今年,國安法紅線收緊,利是封褪去金燦燦的字句,換上具諷刺意味的新裝,看懂的人更覺精警。

其中一個推出利是封的初創品牌「白島工作室」,負責人阿Y坦言,設計時有修改作品的尺度:「《如水》個款,有諗過會唔會可以再出少少,即係可能八隻字寫晒出嚟。但依家淨係得兩隻字。始終我哋唔會知道,會唔會因為一啲莫須有嘅罪名。」限制多了未必令產品質素降低。「反而會令自己諗多一步,個利是封可以好簡單就咁寫八隻字,但今年反而會更多creativity 出咗嚟。」

「有時候大家可能會覺得,唔知道啲同路人去晒邊。但係一啲細微嘅位,例如派利是封出去,可以比同路人知道,『我哋仲喺度㗎!』就好似帶黃色口罩、或者戴其他黃色、有抗爭元素嘅accessories,就好似同身邊嘅人講,仲有同路人喺香港。」

新年封利是既是傳統習俗,也是對後輩的一份祝福。早年的利是封,大多印上標緻的卡通人物,又或是各大商家的換領產品,印上塞滿版面的公司標誌,收到也未必會用心細看。不過,自去年起,利是封不僅是節慶商品,上面印上的一字一句,又為其附載多一層涵意。

儘管今年港人未必能到訪親戚家拜年,也有人傾向以電子錢包「派利是」,但仍有為數不少的設計師,推出結合寓意、諷刺意味及新年元素的利是封,各有寓意,盡見心思。

白島工作室今年推出兩款利是封,分別是《如水》和《香港御守》。《如水》利是封燙上風高浪急的畫面,表面上是一隻小船正艱難前行,細心一看每款卻各有「光」、「時」暗花。《香港御守》在日本御守的造型上加入本港元素,如維港景色、漁港、獅子山上的黃色布幡等,希望寓意香港人能祈求到民主自由同良知。
 
工作室負責人阿Y說,兩款利是封的定位有所不同:「希望有款係高調啲、另一款就低調啲。因為有啲人可能係好支持,但係冇辦法好張揚咁去派非常重政治色彩嘅利是封。《如水》嘅理念係Be Water,希望大家喺抗爭入面會保持呢個心態,入面嗰層layer有pattern係勞工手套,都係抗爭嘅元素,叫做低調得來,大家見到都會覺得有意思。」

為方便收藏,利是封紙質較厚身,每張約重200克,在台灣廠製造,包裝工作則聘請了約10位待業的年青人負責。一套20個利是封售60元,阿Y說只是希望打個和,扣除成本後會將部分盈利捐予612基金。

《香港御守》利是封。受訪者提供
《如水》利是封。受訪者提供

去年,印有抗爭口號的賀年產品成行成市,今年卻反而每個品牌都各有所指、各有隱喻。阿Y坦言設計時有修改作品的尺度:「如水個款,有諗過會唔會可以再出少少,即係可能八隻字寫晒出嚟。但依家淨係得兩隻字。始終我哋唔會知道,會唔會因為一啲莫須有嘅罪名,影響埋其他年輕人或者手足,唔知個潛在嚴重性會有幾大,所以我哋都盡量都避一避。」

限制多了又未必讓產品質素降低。「呢個位反而會令到自己再諗多一步,個利是封其實可以好簡單就咁寫八隻字。但係今年反而會更多creativity 出咗嚟。」

我哋而家點解會做啲咁『穩陣』嘅嘢,其實係因為冇辦法遊行、冇大型活動。食黃店其實都係將抗爭融入生活入面,有時候大家可能會覺得,唔知道啲同路人去晒邊。但係一啲細微嘅位,例如派利是封出去,可以比同路人知道,『我哋仲喺度㗎!』就好似帶黃色口罩、或者戴其他黃色、有抗爭元素嘅accessories,就好似同身邊嘅人講,仲有同路人喺香港。

聯乘20位設計師作義賣「台灣紙張、本土設計、香港製造」

印刷廠Current Printing則聯同20位香港設計師,推出5套共20款「同路互撐利是封」作義賣,強調「台灣紙張、本土設計、香港製造」,每款圖樣各有不同,印上如「自由可貴、繼續發聲」、「Be Water」等。

Current Printing則聯同20位香港設計師,推出5套共20款「同路互撐利是封」作義賣。社交網站圖片

負責人JM認為,香港有不少出色但鮮為人知的設計師,因此推出此聯乘計劃,望能幫助他們藉此提升知名度,聯乘企劃的收益扣除成本後,一半會按需要捐給學生、文宣組織及公民媒體,另一半則會平分給20位設計師。

希望話畀香港人聽,有啲初衷仍然要記住。同埋希望話畀大家知,文宣手足都係手足,所以連結咗20位設計師,一齊做呢個項目!

JM去年有參與另一品牌的利是封義賣項目,考慮到今年疫情下港人未必會拜年,印刷數量有刻意減少,造貨量比去年減少一半。不過,消費者反應卻十分熱烈,上月截單後,每天仍有大量市民在專頁留言詢問能否訂購。

暗諷「指鹿為馬」

錦田社區空間「迴響 Homecoming」,亦與四個初創品牌聯乘,推出5套共10款利是封。品牌之一「Milk Tea Alliance」,於去年夏季創立,主要售賣自家設計的T恤。今次聯乘的設計,印上了手握代表「奶茶聯盟」的珍珠奶茶,原有賀年字句「龍馬精神」,被刪掉成「牛鹿精神」,言簡意駭。

「奶茶聯盟」利是封。社交網站圖片

品牌負責人說,法律的限制多了,但仍無損他們創作:「某程度上都會激法人嘅創意。例如用另一種方式,去表達想表達嘅嘢,就好似某議員嘅街頭橫額位,變成木條一樣。」

今年利是封換上具諷刺意味的新裝,看懂的人更覺精警。左上起:Lark Studio、SG Marble、 Bagguys、Angel’s Paradise。



請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe