眾新聞 Logo
眾新聞 CitizenNews
眾說

郭偉強的顏色革命


立法會公務員及資助機構員工事務委員會17日開會,主席郭偉強在會上批評「投考政府工」專頁的顏色。

來自暴動黨兼且曾經喺立法會粗暴地對待陳志全的郭偉強,成功爭取搞一場顏色革命。工聯會立法會議員郭偉強早前批評,政府在 Facebook 和 YouTube 設立的專頁「投考政府工」,其黃黑色標誌或會惹來「不必要聯想」 。事隔數天,政府已將相關標誌改為紫橙色。郭偉強好波呀!今次終於唔需要用手,而係用把口,成功搞一場革命, 冇人因為咁受到肢體傷害。不過咁樣做係未夠㗎, 要搞文革就同我搞大佢,唔好淨係針對Facebook 和YouTube 「投考政府工」專頁黃黑色標誌,以下就係郭偉強好應該出手嘅目標。

經郭偉強批評後,「投考政府工」專頁的標誌由黃黑改為橙紫。

第一個要被清算嘅當然就係俗稱「黃腳鱲」嘅交通督導員。黃腳鱲負責檢控違例泊車,集中檢控與泊車收費咪錶有關的違例事項,簡單來講就係執法人員。郭偉強點可以容忍執法人員俗稱入面有個黃字!郭偉強應該立即要求相關部門幫交通督導員換咗件制服,最好就梗係換紅色衫,等佢哋可以叫做紅衫魚,咁樣先至根正苗紅,愛國愛港。

第二個郭偉強需要處理嘅,就係來自暴動黨嘅前任九龍東立法會議員黃國健。作為愛國愛港成員,竟然姓黃,實在太離譜。喺郭偉強眼中,黃字已經成為一個禁字。容海恩教女嘅時候亦都話,「千祈唔好識黃色就得喇!其他都要識」。同一道理,黃國健全家應該即刻改名換姓,可以改成藍,黃國健改做藍國健。同樣道理,梁振英都要改名。振英呢個名代表振興英國,但係英國非常可恥,竟然推出BNO 5+1計劃,梁振英仲打算振興英國,唔通真係全家都係英國人,所以勾結外國勢力?梁振英唔該即刻同我改名做梁振中,以代表你真係愛國愛港。

「黃色大軍」迷你兵團Minions。網絡照片

至於迷你兵團Minions亦都要立即全面封殺。隻隻迷你兵團M inions成員都係黃色身, 其中一隻着住件囚衣仲要係黑白間條。迷你兵團Minions好明 顯就係黃絲黑暴。如果睇返佢哋嘅簡介就更加恐怖。根據官方資料, 迷你兵團Minions源起盤古開天時期,剛開始只是一個黃色的 有機體,隨 著時間漸漸演化成迷你兵團,他們終身都需要服侍最邪 惡的主人們,當中包括暴龍和拿破崙。迷你兵團Minions鍥而 不捨尋找新的邪惡首領, 更加勾結外國勢力凱,前往奧蘭多參加「大壞蛋博覽會」( Villain-Con)尋找最惡名昭彰的壞蛋 - 世界女魔頭翹楚。迷你兵團Minions所作所為同黃絲黑暴有乜 分別?一樣去搵金主,一樣走去勾結外國勢力,迷你兵團Minio ns根本就係反中亂港電影代表,好應該立即封殺。 以後電視台同戲院唔可以再播迷你兵團Minions電影, 迷你 兵團Minions亦都同連登豬同埋 PePe 一樣, 成為黃絲黑暴代表,以後邊個擁有迷你兵團Minions, 就係違反國安法。

郭偉強,睇吓我對你幾好,幫你諗咗三條橋, 等你可以繼續喺立法會廢噏。 快快手將以上三個議題拎上去立法會大講特講, 保證你會贏到好多藍絲嘅掌聲㗎 !


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe