眾新聞 Logo
眾新聞 CitizenNews
眾聞

【裁決之後】呂智恆養母跪地痛哭 勉港人別放棄 :「正義一定會勝過腐敗」


社工呂智恆與另外14名被告原本獲總裁判官蘇惠德批出保釋,但律政司即時提出上訴,15人需即時還柙。獲悉結果後,呂智恆的養母Elsa情緒激動,從法院4樓的法庭衝到法院大樓地下,聲嘶力竭地尖叫痛哭,聲淚俱下說:「依家(律政司)即刻上訴!全部無得放!法治已死!法治已死!」說到這裏,不禁跪地痛哭,場面悲慟。

Elsa面對傳媒,激動地說:「我話俾共產黨聽,你所做嘅嘢係錯㗎!終有一日落到地獄,你哋就會被活火燒!」「佢哋呢班邪惡嘅人,一定會得到報應!」她眼泛淚光,為呂智恆感到痛心:

佢係一個良好青年,有愛同尋求公義,我以佢為榮!

Elsa事後對眾新聞表示,剛才痛哭是表達對結果的憤怒,不只是為呂智恆而哭,也是為全部47名被告而哭。Elsa心情已稍為平伏,請香港人不必擔心她,「呢個情緒過咗之後,仍然會堅持做正確、正義嘅事情,所以唔使擔心我,多謝大家!」

呂智恆養母獲悉律政司上訴後,衝到法院地下跪地痛哭。周滿鏗攝

呂智恆的養母對律政司上訴感到非常憤怒,批評是用權力陷害忠良:「呢個腐敗政權,用咁陰毒嘅招數去陷害47個人!我當然係好憤怒!」她強調47名被告只是用和平方法參政,一心改善香港,維持良好核心價值。

47人當中,不少人二十出頭,最年輕的年僅23歲。「有好多年青一代願意行出嚟,參與政治,想去改善香港,我非常非常開心有呢班年青人,所以我好掛住佢哋,我最痛心嘅就係佢哋。」至此,Elsa不禁低頭哽咽。

呂智恆的養母激動過後,情緒稍為平服,接受在場記者訪問。 周滿鏗攝

47名被告,最終沒有人能重獲自由。痛心與憤怒過後,Elsa仍然勉勵香港人堅持下去,不要放棄:

所以香港人,我哋唔好放棄,因為我哋係做緊正義嘅事情,我哋係啱㗎,正義係一定會勝過腐敗⋯⋯ 香港人繼續加油,唔好放棄!雖然係好憤怒,但係我哋憤怒之後,仍然會做正確嘅事。

相關報道:【憂心的臉龐】通宵守候摯愛的家屬 — 最想與被告們說的話

 




請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe