政府早前公佈有條件放寬社交距離措施，將食肆分為「A/B/C/D」四類，要求員工、市民接種疫苗、使用安心出行，才放寬食肆內每桌人數的限制。
對於政府新安排，有食肆寧願保留現有做法，僅營業至晚上10時。中菜館「人人和平小飯店」負責人許先生說，恢復堂食至晚上10時後，營業額只與疫情前相差約一成，加上客人不介意分枱坐，看不到有需要成為C類食肆。他又指不擔心被C、D類食肆搶客，直言「客路唔同」。樓面員工稱，自己是家中經濟支柱，雖沒有慢性疾病，但仍擔心疫苗有副作用而手停口停，故「有得遲打就遲打」。
另一邊廂，部分連鎖飲食集團表示已符合C類食肆要求，並展望員工接種第二劑疫苗後，可成為D類食肆。其中譽海集團旗下位於尖沙咀的「譽宴.星海」，現已用隔板分開各區域，分別招待不同人數、填紙仔或使用安心出行的客人，唯職員表示客人仍會共用洗手間：「我哋廁所係得一個，酒樓你估有好多廁所呀？」
不擔心被C、D類食肆搶客 保留現有做法
許先生在北角堡壘街分別經營西餐廳「GOTTHARD BASE」及中菜館「人人和平小飯店」，兩間食肆都會選擇以B類食肆模式經營。他指，禁晚市堂食後生意額曾大跌，部分員工要放無薪假，但後來推出外賣套餐，加上已恢復營業至晚上十時，現時生意額與疫情前相比，只約差一成，看不到有需要為延長營業時間，而要求員工打針。
至於每枱人數限制，許先生坦言的確對部分希望慶生或聚餐的客人有影響，但收到有不少熟客反映「如果要打針，寧願分枱坐或者買外賣」，相信客人也願意作出取捨。他又指，中菜館原先有兩張可坐十人的大圓枱，但因防疫限制已收起一整年，改為可靈活移動的二人木枱，按人數需要移動、拼湊。
會否擔心被其他開放6人或8人一枱的食肆搶走生意？許先生直言「客路唔同」：「完全唔擔心。我覺得…而家市場上嘅餐廳因為政治立場好明顯已經分成兩邊，大部分支持我哋嘅客人，就算我哋唔做堂食都會繼續外賣，我睇唔到開放到6人、8人，可以再吸更多嘅客。調翻轉，如果吸到原本唔係嚟幫襯我哋嘅客，可能本身啲熟客會覺得好odd ，始終大家都想喺餐廳一齊食飯嘅人係同聲同氣，呢樣更加緊要。」
根據政府指引，C類食肆可劃出特定區域作6人枱，許先生則認為難執行：「啲客人會行嚟行去，員工又會送餐，廁所亦會共用。」
員工擔心副作用 老闆將心比己不強迫
許先生說，現時兩間餐廳已接種第一劑疫苗的員工人數不足四分一，他坦言很難要求所有員工都接種疫苗，尤其部分人有心臟病、高血壓等慢性疾病，做生意也要將心比己：「有員工話自己有靜脈曲張，唔到最需要都唔想去打疫苗，呢啲我哋無得強迫。」
育有三名在學子女、40多歲的樓面員工陳小姐表示，自己是家中經濟支柱，雖沒有慢性疾病，但仍擔心疫苗有副作用，故「有得遲打就遲打」：「就算係面癱，我都做唔到嘢，就賺唔到錢、冇錢租屋。政府又無話對呢啲（副作用）一定會負責任，我咪盡量唔想咁早打住。」
若要檢查顧客是否已接種疫苗，她擔心難以實行︰「佢答左你有，你又唔知係咪真，又要人哋出示證明，有啲尷尬囉。（不好意思問？）都係會問，但有陣時啲客人唔係百分百合作。」
連鎖集團各有做法 C類可6人一桌洗手間仍共用
譽宴集團主席張家豪早前表示，約7成員工已完成接種疫苗，其餘員工已取醫生紙豁免打針，符合C類食肆要求，可堂食至凌晨12時、最多6人一枱。他又指，若食客訂枱時能預早通知已完成接種，餐廳會劃分8人一枱的區域，安排已打2劑疫苗的員工服務。
記者到尖沙咀「譽宴.星海」查詢有關座位分佈安排，職員指酒家暫時最多可6人一桌，並將分為「A、B、C」三區，若訂五至六人一桌，將獲安排於C區就座。現場所見，區域之間相隔至少1.5米，並以膠板分隔。
記者問是否要與A、B區的客人共用洗手間，職員表示：「我哋廁所係得一個，酒樓你估有好多廁所呀？」另一位職員著記者無需擔心衛生問題：「我哋有消毒，大家離開座位會戴翻口罩。」
集團早前被工會批評強迫員工接種疫苗，張家豪表示，員工接種疫苗是為了保護他們及食客。酒家大堂現時貼上「疫苗接種計劃感謝狀」，感謝員工發揮團隊精神，表揚其作為飲食從業員的責任及承擔。
另外，記者曾分別致電不同飲食集團旗下的酒家查詢，表示想在母親節晚上（5月9日）訂6人枱。其中一間美心皇宮職員表示仍要4人一枱，須「分枱坐」，更稱：「呢個問題呢，就係政府嘅問題，暫時我哋公司未實行呢樣嘢，仲係要分開兩張。」
尖沙咀富臨皇室職員則稱，大部分員工已接種第一針疫苗，可安排包廂6人一枱，職員又透露員工將會打第二劑疫苗，有望開放至8人一枱。
眾新聞就放寬食肆限制安排，向有關集團傳訊部查詢，暫未獲回覆。
牛大人集團則表示，旗下的餐廳將會採用B類預防措施，現時並無要求員工接種疫苗，一向有安排人手監察客人填寫簡單個人資料或安心出行方可入場。
