眾新聞 Logo
眾新聞 CitizenNews
眾聞

【ERROR由乞食到爆紅】背後經理人花姐自言常反省 多聽年青人意見會更貼近社會 「香港仲有好多好熱血男仔」


花姐與ERROR昨晚出席講座分享造星過程。

主持人問,花姐由節目監製,轉向另一崗位——MIRROR及ERROR經理人,如何與一眾年輕人建立互信關係?花姐即表示,「其實我年紀都唔係好大!」她指一開始用「慈禧太后」式方法規管他們,甚麼都不准做,她所說的話就是對的。ERROR肥仔在旁插口,「我哋就係隔離嘅太監。」花姐即反擊:「慈禧太后講緊嘢,你哋啲太監收聲。」你一言我一語,一個造星傳奇便是這樣誕生。

花姐回望過去後反省,「慈禧太后」式管教是錯的,「同佢哋鬧過交,佢哋又唔明點解我要咁樣做,番去反省,我諗嘅嘢未必係完全啱晒。」花姐坦言,「經理人唔可以成日自己話晒事,應該多啲open自己,聽下年青人意見,會更加貼近社會。」她又籲作為領導者要放下身段,「同身邊嘅年輕人或者下屬溝通,我覺得呢個世界係會易啲。」

比年輕人自己發揮,不要事事say no,結果四個花姐口中「騎騎呢呢,冇大志,亂噏嘢,又唔靚仔」的大男孩,成為近日香港爆紅的男子組合。今天的成功,有人形容係神蹟,但卻沒有讓他們忘記過去兩年「乞緊食」無收入的日子,只是他們仍然堅持,沒有放棄,走自己的路........

ERROR出席講座,保錡大爆「憎過花姐」。實習記者 謝鎧文攝

男子組合ERROR大受歡迎,他們反傳統的不是賣靚仔,跟平凡人一樣高矮肥瘦有性格缺陷,反而更受大眾歡迎,成為廣告界紅人,最神奇是連帶他們的經理人花姐(黃慧君),也吸引商戶青睞,昨晚他們便在九龍灣展貿中心,出席一個保險公司講座,分享造星經過,出席的包括花姐、ERROR、P1X3L等人。

原來香港仲有好多好熱血嘅男仔

MIRROR及ERROR「爆紅」,靈魂人物是花姐,那個不苟言笑的「阿姐」級人物,當然也要一班團員付出,才讓人看見及喜歡他們。花姐於講座中分享「造星」的經過,ERROR亦大談對花姐的感覺。《全民造星》播出時造成很大迴響,由節目衍生的MIRROR及ERROR,近期更成為香港樂壇及香港娛樂圈的新希望,但原來節目開始拍攝時,花姐沒有預料會找到這些「新星」。花姐憶述:

當初淨係諗住做個節目,俾啲娛樂大家。當我真係見到有一班參賽者參加嘅時候,哦!原來香港仲有好多好熱血嘅男仔, 於是就試下,希望可以透過呢個機會,做到香港男子組合。

花姐坦言,《全民造星》開頭沒有想過香港有那麼多「熱血男兒」。 實習記者 謝鎧文攝


普通人第一次見ERROR,可能心有疑惑,「吓?咁都係明星?」,的確,ERROR確實是燕環肥瘦,在街上不難看見有類似外型的男子,但ERROR正正是平凡中帶點突出,很多媽媽輩看到肥仔用大肚腩跳舞,笑得不亦樂乎的樣子。花姐指,在選擇99個人的時候,第一下就選擇了肥仔。

有同事跟花姐說:「嘩,肥仔都可以入圍全民造星?佢又肥又矮,點做偶像?」

花姐反而在想,一個肥仔跳舞好叻,不是更有比較,更加吸引嗎?花姐說:「我當時諗,大家將偶像太形象化,一定要靚仔、高大、跳舞好勁、講嘢斯文。ERROR嗰陣時出黎,一個騎騎呢呢,一個冇大志,一個亂噏嘢,又唔靚仔,點解要簽佢返嚟?如果你望去佢哋四個,其實佢哋四個有吸引人嘅地方。」 

花姐口中,亂噏嘢的193。 實習記者 謝鎧文攝

哦!原來香港仲有好多好熱血嘅男仔

花姐由節目監製,轉向另一崗位——MIRROR及ERROR經理人,如何與一眾年輕人建立互信關係?花姐即表示,「其實我年紀都唔係好大!」她指,一開頭用「慈禧太后」式方法規管他們,甚麼都不讓做,她所說的話就是對的。肥仔在旁插口,「我哋就係隔離嘅太監。」花姐即反擊:「慈禧太后講緊嘢,你哋啲太監收聲。」若然有看過《花姐ERROR遊》,不難發現花姐把「我係至高無上嘅監製點點點」及「我返去炒晒你哋班XX」掛在嘴邊,每次聽到都會令人會心微笑,觀眾都清楚這只是「慈禧太后」的戲言。花姐回望過去反省,「慈禧太后」式管教是錯的,「同佢哋鬧過交,佢哋又唔明點解我要咁樣做,返去反省,我諗嘅嘢未必係完全啱晒。」花姐坦言,「經理人唔可以成日自己話晒事,應該多啲open自己,聽下年青人意見,會更加貼近社會。」

193見狀,即刻點頭回應,「啱啊。」肥仔補充:

開頭花姐對我哋創造出嚟嘅嘢係唔相信嘅,後尾見到我哋出嚟嘅結果同成績,『哦,原來你哋諗嘅嘢係OK喎,我睇錯咗』 放手俾我哋做自己想做嘅嘢,先去到今時今日呢個成績。

當初被質疑「又肥又矮」的肥仔,如今成長為獨當一面的lady killer。實習記者 謝鎧文攝


ERROR由一開始不被看好,到現在193的大名無人不知,由ERROR主持的《ERROR自肥企画》是近月最多人討論的香港綜藝節目。花姐說:「其實ERROR一開始出嚟嘅時候係好失敗,錢都搵唔到。」花姐表示,Error成軍兩年都係「乞緊食」,但因為ERROR四子堅持,到今日尚算有些成績,「所以我覺得大家唔好放棄,俾啲耐性自己,去行自己想行嘅路。」

說起花姐,一開始有份追看《全民造星》的人會說,「嗰個好惡、成日鬧人嘅監制」,現在人們會說「MIRROR經理人」,花姐是否一如電視所顯示的印象一樣,是個「悍婦」?保錡表示,他和花姐曾經吵架,花姐說:「我哋直情憎過對方」,保錡承認討厭過花姐,「但我而家好愛佢,因為經歷咗咁多嘢,人係因為經歷咗而長大。」肥仔則用「鱷魚頭老襯底」形容花姐,指花姐「其實好溫柔好錫我地」。193亦指,花姐花費很多時間在他們身上,甚至比分給家人的時間更多。

保錡話:「會同上司鬧交,但佢鬧你係因為佢愛你。」謝鎧文攝


ERROR感情要好,曾在四缺一的情況下上音樂節目,堅定地要唱「我們不碎」,也許就像ERROR歌曲《404》所指,他們是「四位一體」。過去曾受挫折,但ERROR仍然沒有放棄,堅定去追夢。Dee指,「如果真係想發揮得最好,搵一班志同道合嘅人,然後唔係為自己好,而係要諗為對方好,幫對方,我覺得幫人嘅力量永遠係大過自肥嘅力量。就好似我哋四個咁,係呢條路上,我哋四個都互相幫助大家,先至可以去到一個高度或者一個高峰,掂到一啲想做到嘅嘢。我覺得呢個係最緊要,要好好珍惜同你想法差唔多嘅人。」

肥仔亦同意,表示要找一班人與你有共同目標,亦肯與你一齊痴線的人,「同你一齊痴線嘅人先至會一齊衝!」

193補充,「同埋我覺得要係你鍾意嘅嘢,如果你唔鍾意嘅點搞都冇用,只係打緊一份工。你要投入去呢一樣嘢裏面,再去研究,我哋係鍾意先做到。」

肥仔話花姐為節目「青蛙式落水」,坦言「花姐為我哋犧牲咗好多嘢」。Viu TV截圖

花姐作為領軍MIRROR及ERROR的人物,她指,身為領導者,要合作就要學識如何關心,因為是「一家人」,亦要MIRROR及ERROR「俾信心」,建立到雙方嘅信任,「我覺得呢個世界嘅領導者放下自己嘅身段,同身邊嘅年輕人或者下屬溝通,我覺得呢個世界係易啲。」

近日一張企鵝卡通的圖在網上瘋傳,網民紛紛指,這就是ERROR。ERROR幽默抵死的形象深入民心,十分「入屋」再加上有花姐「加持」,努力不懈追夢,令他們成為灸手可熱的團體。正如花姐在講座末段鼓勵大家:



人生苦短,你唔試吓,唔知道自己得唔得,應該要把握機會。

網民開post,指ERROR激似呢四隻企鵝。連登討論區



請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe