在《蘋果日報》被控涉違國安法大受壓力之際，位於西九龍中心，義務為還柙及在囚人士免費訂製全塑膠眼鏡的小店「視點護眼」，昨日（20日）在《蘋果日報》刊登頭版廣告「支持蘋果」。
報紙出版後的早上9時起，小店持續被過百匿名電話騷擾。老闆Michael說，對騷擾電話感到無奈，但無悔在《蘋果》落廣告，也難以預計將來對方會否以其他途徑騷擾：「今日唔搞、聽日都可能會有。我諗唔到亦都擔心唔到，所以無諗呢樣嘢。」他說，與其擔心未來，不如盡力做好現在。
Michael坦言，頭版廣告費用對小店而言並非小數目，但擔心《蘋果》隨時停運，之後未必再有機會。他形容這星期的變化來得太快：「有諗過《蘋果》可能會停運，但冇諗過會咁快、咁突然。正如大家都無諗過2019年之後，喺兩年之內香港會衰退得咁快。」
平日下午的西九龍中心熙來攘往，小店在商場入口電梯旁的陳列櫃中，放了顯眼的「我係香港人」招牌及連豬模型公仔，並有一疊《蘋果日報》放在門口的白椅上，隨路人領取。
Michael相比四個月受訪時，好像憔悴了一些，對於小店刊登《蘋果》頭版廣告後即被匿名電話騷擾，他彷彿已在說著別人的事，沒太多情緒：「電話全日都keep住響，我推測係有人用Programme 打嚟，響咗大概2秒後就會收線，10秒之內又會再打嚟。（覺得不是真人？）都幾肯定唔係，每次都係播類似錄音嘅嘢。」後來他索性將電話調較至飛航模式，並以短訊與客人聯絡。
蘋果報館上周四被封、高層被捕，國安處宣布將其三間公司的資產凍結，在此風頭火勢之際，Michael希望對報館員工表達一份心意及支持，也希望能讓更多人「行過經過都留意到，一齊撐佢哋」，隨即向《蘋果》查詢刊登頭版廣告的費用及行政程序，但因當日報館內部有不少事宜需要處理，故直至周日廣告才獲刊登。
Michael透露，頭版廣告牽涉6位數字費用，他坦言對收入浮動的小店而言，「的確係一筆大嘅錢，但擔心之後都未必再有機會」，故仍舊選擇刊登頭版。
紅線壓頂，Michael卻能坦然面對，認為愈去想那條紅線，便愈覺迫近，與期無了期地擔心，倒不如做好當下。「老實講，我預計唔到會唔會有其他騷擾。今日唔搞、聽日都可能會有，我諗唔到亦都擔心唔到，所以無諗呢樣嘢。」
他補充，問題總有辦法解決：「無後悔過落廣告。而家都算係settle到，我同電訊商了解過，佢哋話可以幫手cut停哂所有匿名電話。」
早前有報道「放風」指《蘋果》將在7月1日前被取締，Michael說，並非對封報館、凍結資產等情況沒有心理準備，但有感一切來得太快。
有諗過《蘋果》可能會停運，但冇諗過會咁快、咁突然。正如大家都無諗過2019年之後，喺兩年之內香港會衰退得咁快。……我自己嚟講係好擔心（蘋果港聞停運），香港而家已經抹殺咗好多聲音，基本上反對聲音係不能出現。
所以他更希望在「最後關頭」做多少少︰「而家係白色恐怖，你唔知有邊啲嘢係唔做得，邊啲係犯法…… 嗰日有記者問李家超，買報紙算唔算犯法，佢都無講明，只係講好空泛嘅字眼。佢無話落廣告係犯法，我覺得暫時都唔係個問題。」
風險固然有，但Michael還是覺得福禍難料，小店開業一周年，面對表達自由越見收緊的社會，唯有見步行步。「開業一年，我純粹只係想自己係行業上面，可以盡自己能力去做啲嘢。」
