「我自己嘅感受就係，我唔知自己仲可以返去幾多次，返去幾耐，所以我都好想返去，做到幾多就幾多囉。」雖然有消息指蘋果日報將於數日後結束，但今日大部分蘋果記者或員工，依舊準時上班，有記者明言不會主動去「執嘢走」。假若真的無糧出日後會否向《蘋果》追討薪金，有蘋果記者認為若要追討的話「我哋係要追討返我哋應有嘅嘢，嗰啲錢本身係我哋㗎嘛，只不過係俾政府凍結咗，而唔係公司唔俾我哋，所以要去諗有咩途徑可以追討返我哋應有嘅錢。」
保安局長李家超引用《國安法》凍結與《蘋果日報》相關三間公司資產，壹傳媒有限公司董事會今日召會，大比數通過去信保安局，申請要求解凍部份資產，以免因欠薪而違法。董事會亦決定本周五（25日）再開會，屆時再決定《蘋果日報》是否停止運作。而蘋果管理層下午曾與各部開會，交代董事會決定，若周五董事會決定《蘋果日報》停止運作，《蘋果》最快周六凌晨起會停止更新網上新聞，周六會出版最後一份《蘋果》。
《蘋果日報》記者接受眾新聞訪問時直言，「其實係到做咗好多年，好有感情，同埋個消息都瘋傳咗一段時間，一直都有人講緊，但我一直嘅感覺都係唔想走。好無能為力，唔知有咩嘢可以做到，但係就係會想做到最後，做到幾多就係幾多。」
該名蘋果記者透露她正回去蘋果大樓出席員工會議，討論公司未來的去向。而對於《蘋果日報》未來有機會停止運作，該記者坦言非常難受，但她早已有心理準備，因為早已有預感政府會向《蘋果》開刀，「佢有好多好多唔同嘅方法，去令到我哋要執笠嘅話，其實我哋係反抗唔到。」。
雖然暫時尚未知會不會無糧出，但蘋果記者則直言不太擔心及計較這個問題，因為她選擇留到最後的時候，早已預料會有什麼可能性出現。她又強調，現時不是《蘋果》有負於員工，不是《蘋果》不願意出糧予員工，而是政府凍結了他們的資金，從而令到《蘋果》不能向員工支付薪金。
追討返哋應有嘅嘢 係政府凍結咗 唔係公司唔俾我地
被問到假若真的無糧出，日後會否向《蘋果》追討薪金時，蘋果記者則認為需要與同事及工會再作商討，她亦補充指若要追討的話「我哋係要追討返我哋應有嘅嘢，嗰啲錢本身係我哋㗎嘛，只不過係俾政府凍結咗，而唔係公司唔俾我哋，所以要去諗有咩途徑可以追討返我哋應有嘅錢。」
蘋果記者憶述指，自從上周四警方國安處引國安法搜查蘋果日報大樓後，身邊同事都變得非常積極，「從來都無諗過自己係咁鍾意返工，咁想返工嘅」，又指本來很多人都可以在家工作，但很多同事卻都回到公司上班，「我自己嘅感受就係，我唔知自己仲可以返去幾多次，返去幾耐，所以我都好想返去，做到幾多就幾多囉。」她表示，現時等公司決定員工的去向，但明言不會主動去「執嘢走」。
掛着《蘋果日報》記者頭銜的她亦提到，近兩個月來的訪問越來越難約，甚至約好了的訪問對象亦會臨時推辭訪問，有些受訪者更直接對她解釋指，其公司立場與《蘋果》不吻合，故訪問不能進行。
而另一名在《蘋果日報》任職的編輯，同樣在今日仍然上班，因為她在這裏工作日子不算長，所以「有一日返一日」的心態回來，但聽到有消息公司這幾天要終結，她感到很悲哀。至於會否擔心欠薪，她說這也沒辦法，是政府要凍結公司的資產，公司才要結束。如果欠薪會否追討，她說交給工會處理，她自己則不介意。
唔係公司既錯 留得幾耐得幾耐
在副刊任職一年的麥生坦言對公司現時處境感到傷心，認為公司因政治立場而被針對，面臨資金被凍結而無法營運，「唔係公司嘅錯。」他認為目前情況已非公司高層可以決定，「情況惡化很快，只能行多一步得一步。」若公司無法向員工支薪，他表示只能另覓工作，但仍希望「留得幾耐就留幾耐。」。
任職港聞組的黎先生對蘋果將無法營運一事表示早已預計，同事亦有心理準備，「大家目前就諗住做多一秒得一秒，冇諗咁多嘢，你都見到其實好多野都預計唔到，唯有見步行步。」就算支薪情況未明朗，黎仍希望可以留低繼續工作，「做咗咁耐都唔爭在個幾個月糧啦」，他又說「為人工嘅話大家就唔會做記者。」，黎補充指在蘋果工作，掣肘較其他媒體少，風氣亦相對自由，同事的堅持亦影響他的去留意欲，更珍惜可報道真相的有限空間。
