眾新聞 Logo
眾新聞 CitizenNews
眾說

仗義每多屠狗輩


美聯社照片

食飯時講起,屋企人奇怪,在佢印象中肥佬黎就係個投機商人,創立《蘋果》一開始都只係份八卦小報,依家變咗民主鬥士,仲要中途好多機會可以褪軚/走佬都唔褪/走。

我就話,唔知你有冇聽過句說話叫仗義每多屠狗輩。有時有些你睇唔起,出身普通的人,在關鍵時刻反而會挺身而出,而一些傳統精英,則只顧著明哲保身。

就好似相反的,林鄭、楊潤雄、李百全之流,邊個唔係港大畢業做幾廿年港英AO,依家做晒破壞香港的急先鋒。

即係,我讀政治學,講理論時通常將個人因素減到最小,因為樣樣嘢都靠英雄打救,就唔需要講理論分析咁多其他因素啦,但實情係往往有些關鍵人物,係無法用一般損益角度去分析。

再比幾個例子。舒特拉,本來都係一個普通商人而已。哈維爾,寫稿的。華里沙,工廠工人。到底乜野驅使佢地做英雄?佢地自己先知。當時其他精英做緊乜?唔深究了。

總之英雄莫問出處,唔係依個人好似有套完美package就係英雄,有時好似小人物的人在關鍵時反而爆發成英雄。btw依家上網搵返先醒起,仗義每多屠狗輩,下一句正是,負心多是讀書人。


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe