眾新聞 Logo
眾新聞 CitizenNews
眾說

菲傭姐姐燙衫睇選舉好得戚


筆者家中菲傭姐姐邊燙衫邊睇手機追家鄉的大選新聞。

【撰文:菲傭僱主】

今日全香港的菲傭姐姐,手機不離手,人人喺度睇菲律賓的選舉參選消息,一路燙衫一路睇,很興奮,嘻嘻笑,呱呱叫。

其實菲律賓起碼明年五月才選總統、副總統、參議員,姐姐們可以去領事館投票,但她們今天,半年前已經十分投入。

菲律賓大選的候選人有以前菲律賓獨裁總統馬可斯的——兒子參選,也有現任總統的女兒參選副總統,總之充滿青春氣息,詳細情形你問姐姐。

但係,姐姐們的僱主們,好似話十二月香港都有一場「好激烈」「好有競爭性」嘅「選舉」喎?但係我好似未聽過有朋友講起過,更加冇朋友一路燙衫一路關心這場「激烈選舉」。

「咁樣你哋菲律賓有冇規定『愛菲者』才能參選㗎?」我問姐姐。

「No啦!Chi seen啦!梗係冇啦,阿Sir,菲律賓係民主㗎!」

她眼神還露出少少——自豪和驕傲,僱主聽在耳中,看在眼裏,真係感慨萬千!

在同一天花板下,僱員興高采烈鬧邊個鍾意邊個候選人都可以,也在同一天花板下,僱主隨時擔心自己「講錯嘢」犯法。

以前香港人話菲律賓獨裁專制,而家姐姐——過返你兩幢,玩曬自豪。

看着姐姐仍然一心兩用,我肯定佢隻手就嚟就會被熨斗——燙兩嘢才收科。


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe