眾新聞 Logo
眾新聞 CitizenNews
眾說

十二月十九日搭車唔使錢,原來姐姐最得益!


【撰文:菲傭僱主】

12月19日搭車唔使錢 ,原來最大得益的組群,竟然是幾十萬菲傭印傭姐姐,下午消息一出,立即姐姐社交組群,人人拍爛手掌,奔走相告。

問僱主:「阿sir ,你哋石澳藍橋lovers bridge聽講開返啦,我一定去打卡」。

有啲姐姐又話去遊電車河、映相,有啲又準備去赤柱飲啤酒,或者飲完咖啡坐地鐵入東涌草地野餐瞓覺,節目豐富。

梗係啦,例如由天水圍搭巴士來回中環,差不多$50,等於姐姐每個月人工的百份之一,慳到D錢。

「阿sir,你哋government 真係好呀!一有election,交通就免費,不如每一個禮拜日都有Election啦 !」佢哋問到興高采烈,僱主就唔知好嬲定好笑。

其實菲傭姐姐還有更加興高采烈的,就是她們自己菲律賓國內的總統選舉 。

菲傭姐姐的社交群組。照片由筆者提供

明年五月才舉行選舉,還有差不多半年,但現在姐姐已經人人、日日都在社交組群討論選戰。菲律賓選舉暫時的走勢是——以前的總統馬可斯的兒子,很有機會當選總統,現任總統的女兒薩拉,就有機會做副總統 ,總之菲傭姐姐講選舉不知幾投入幾興奮,日夜不停!嘿嘿,至於我地七日後香港嘅「完善」「真民主」選舉個氣氛係點樣?咁你自己睇啦,我就費事講嘢。

我就有很多朋友話,既然有免費車,到時我地就搭車去飲食郊遊,咁你就要準備12月19號,可能你要同姐姐爭住搭車去石澳情人橋打卡喎?