眾新聞 Logo
眾新聞 CitizenNews
眾聞

民研選舉調查不分析無效票趨勢 鍾劍華認受壓:真係有啲嘢搞我哋


立法會換屆選舉於本周日(19日)舉行,無效票數目成為全城焦點。香港民意研究所今(17日)公佈最新選舉調查,發現不足一半受訪選民有意欲投票。在調查中,民研公佈各選區勝算機會較高的候選人,不過在「無效票」一欄就未有透露數字和分析。香港民意研究所副行政總裁鍾劍華指,近日接連有涉嫌煽惑他人投白票的拘捕行動,並透露民意研究所亦是被調查對象之一,「又真係有啲嘢搞我哋啦,我唔怕講㗎喇」,因此希望在選舉過後,才為無效票結果做分析。

香港民意研究所今公佈最新的選舉調查,中間為香港民意研究所副行政總裁鍾劍華。何家達攝。

民研公佈最新選舉調查顯示,即使大選在即,選民的投票意欲仍然奇低。民研於選舉前最後一星期、即本月9日至14日,以電話訪問形式,隨機抽樣訪問891位受訪者。結果顯示,表明「肯定會」或「多數會」投票的受訪者只有48%,比上一次於本月初完成的調查,下跌4%。而「多數唔會」及「肯定唔會」投票的受訪者則高達接近四成,有39%,比上次調查上升3%。

浸大政治及國際關係學系副教授陳家洛分析指,民研由上月到今個月進行3次選舉調查,雖然投票已「進入直路」,但表明會投票的人數仍維持低水平,「一貫都係維持喺三成左右」。他指,近日多名建制派人士均預期投票率會比以往低,可見政府及建制派正在做「期望管理」,「即係唔止我哋係咁睇,政府都係咁睇」。鍾劍華亦指,表明不會投票的選民比過往幾屆多,「競選活動、宣傳品嗰啲都入唔到屋,就算入咗屋都無效果」。

難以感動非建制派支持者投票
受訪者當中,超過一半(52%)認為地區直選中,沒有候選人值得支持,反之認為有的只有約三成(31%)。依據群組調查,84%的民主派支持者都指沒有候選人值得支持,而62%的非民主派支持者則認為有。

陳家洛解釋,非建制派候選人難以感動到民主派選民投票。他留意到選舉論壇中,各區的非建制派候選人均變成建制派的「出氣袋」,「以往政府有咩衰嘢都話晒係佢哋錯,表現好被動,但最慘係捱打得嚟又唔係好博到大家同情」。他認為,選舉制度變更亦是主因,在90個議席中,現時選民只能投出20個地區直選議席,「以往一票係可以影響成個議席,而家選民唔係好知投票意義係咩」。

浸大政治及國際關係學系副教授陳家洛指,自己有看選舉論壇,發現非建制派候選人往往被建制派「當沙包」。何家達攝。

政府鋪天蓋地宣傳幫倒忙 兩成半選民:減低投票意欲
近日港府為催票鋪天蓋地宣傳,又動員大量官員呼籲市民投票,如財政司司長陳茂波今日在工展會呼籲投票、多個局長一同拍片宣傳等。不過,民研調查顯示,有多達六成二的受訪者認為,特區政府官員呼籲投票對投票意欲沒有影響,亦有兩成半指會「減低投票意欲」。

陳家洛指,能動員選民投票的從來只有候選人,「但而家佢哋個性上、政策上都拎唔到同選民嘅接觸點」,加上候選人中新面孔眾多,選民未必熟悉,「啲候選人到而家仲介紹緊自己」。

陳續指,政府的宣傳活動亦顯示她非常「心急」,「有啲局長直情扮候選人㖭,就係徐英偉局長,做咩呢,關你咩事呢?扮候選人舉起手指代表咩呢?藥石亂投嘅結果,就係好難將焦點放返喺候選人身上」。

選情分析 建制派贏面較大
綜合民研電話及群組調查結果,以下為各區勝算機會較高候選人,當中全屬建制派。

香港島東:沒有勝算較高候選人

香港島西:葉劉淑儀(新民黨)

九龍東:鄧家彪(工聯會)

九龍西:鄭泳舜(民建聯)

九龍中:李慧琼(民建聯)

新界東南:李世榮(民建聯、新界社團聯會)

新界北:劉國勳(民建聯)

新界西北:周浩鼎(民建聯、新界社團聯會)、田北辰(實政圓桌)

新界西南:沒有勝算較高候選人

新界東北:陳克勤(民建聯、新界社團聯會)

(完整參選名單,見選舉事務處網頁https://www.elections.gov.hk/legco2021/chi/index.html)