新界人口驟增　跨境求診存隱憂

眾新聞分析過去5年醫院聯網人口、長者人口、經常性撥款額、醫療人手數據，發現新界東及新界西聯網面對最大的人口增長及人口老化壓力，兩個聯網的長者人口在2012至2016年間分別增長27%及29%，而人口增長亦分別有6%及5%，不過，兩個聯網的人均醫療撥款、家庭住戶每月入息都偏低。（統計方法詳見文末）

醫院聯網資源分配互動一覽

專題：數說公營醫療系統問題

下表為2012至2016年各醫院聯網人口增長與長者人口增長比較：

下表為各醫院聯網人均撥款額（元）：

下表為各醫院聯網家庭住戶每月入息中位數（元）：

60歲馬鞍山居民李先生指，5年前懷疑有小中風，自此一直在威爾斯親王醫院接受檢查及治療，「我嚟咗5年左右，多咗差唔多3、4成（求診者）。而家排親期都要半年。」他指，近年區內的新移民明顯增加，醫院差不多有一半求診者講普通話。他當日覆診時正好見到有醫生對病者講廣東話，惟對方不太聽得懂，雞同鴨講一陣子，醫生最終轉用普通話。「明明睇15分鐘，因為溝通問題，搞到半個鐘都未睇到。」

家住沙田公屋、67歲的李女士坦言，威爾斯親王醫院向來都多人等，故她會盡量看私家醫生，惟近年區內陸續有屋苑入伙，連家庭醫生都供不應求。「以前冇咁多人，而家有水泉澳邨，多咗好多人。我哋馬鐵個診所，仲慘過睇威爾斯街症，好多人，你朝早去攞籌，起碼要4個鐘先有得睇醫生。」

跨境人口加重醫護壓力

「杏林覺醒」成員黃任匡任職於新界西聯網公立醫院。他提到，北區醫院、博愛醫院、屯門醫院等鄰近邊境的醫院，接收很多跨境病人，當中包括北上居住的香港人，以及來港旅遊的內地人。

黃任匡坦言，醫護人員需要花更多心力、時間去照顧這些病人。「佢哋好多時係拖到好遲先落嚟醫，甚至係喺大陸搞完一大輪，都搞唔掂、醫唔好，先嚟香港醫，講得難聽啲，已經搞到一鑊粥。有時可能佢哋喺大陸帶嚟嘅醫療報告、檢查報告都亂七八糟。呢啲係對香港醫療系統、醫護人員造成好多壓力。」

「而家愈來愈多呢啲，根本冇香港身份證嘅。香港公營醫療機構好好，我哋唔會問佢攞錢先，我哋醫咗先算。」醫管局曾公布，2011至12年度，非本地孕婦在公立醫院產子後「走數」共580萬元，翌年更升至過千萬，到政府「煞停」雙非，2013至14年度才回落至860萬元。黃任匡直言：「呢類負擔對香港嘅醫療系統，你可以預見到會愈來愈大，尤其是起咗高鐵之後。」

他質疑政府在制定政策、分配資源時，未能考慮到這些跨境人口及持單程證來港人士，「佢哋嘅健康狀況、人口結構係點？每日150個，呢150人裡面，究竟有幾多長期病患者，有幾多需要長期接受公營醫療系統服務呢？幾多老人家？我哋有冇say？似乎係冇。」黃任匡擔心，他們對公營醫療系統的負荷將會愈來愈大。他強調並非歧視，「但我哋要知道呢啲人口對醫療系統有咩影響，先可以盡早去反應同分配資源。」

統計方法：

眾新聞從食衞局提交立法會的公開資料，抽取最近5年醫院聯網人口、長者（65歲或以上）人口、經常性撥款額數據；從醫管局年報，收集最近5年的人手狀況資料，將各年的醫療、護理、專職醫療全職人員數字相加，計算出每年各聯網的醫療人手數字。

另外，由於醫院聯網與區議會分區劃界有異，眾新聞請到統計處特別按醫院聯網計算出相應的家庭住戶每月入息中位數。18區之中，油尖旺橫跨九龍中聯網（油尖）及九龍西聯網（旺角），而離島則同屬港島東（離島，大嶼山除外）及九龍西（大嶼山），此處將油尖旺納入九龍中聯網計算，離島則納入九龍西聯網計算。

專題：數說公營醫療系統問題